„ევროპული საქართველოს“ წევრი ირმა ნადირაშვილი „რუსთავი 2“-ის ყოფილი გენერალური დირექტორის ნიკა გვარამიას წინააღმდეგ დაწყებულ საქმეს პოლიტიკური დევნას უწოდებს და ივანიშვილის პირად შურისძიებად მიიჩნევს.

ნადირაშვილი ამ წუთებში ოპოზიციური ფლანგის სხვა პოლიტიკოსებთან ერთად საქალაქო სასამართლოს ეზოში იმყოფება, სადაც ნიკა გვარამიას გამოკითხვა მიმდინარეობს.

„ვენც ვიცით გვარამიას კრიტიკული დამოკიდებულება პირადად ბიძინა ივანიშვილის მიმართ და ვიცით, რომ მისი გეგმა იყო ბიძინა ივანიშვილის რეჟიმი ყოფილიყო შერყეული და შემდეგ ცხადია, ეს უდნა შეიცვალოს არჩევნების გზით. ამიტომ ის, რომ დღეს ვხედავთ, რომ ნიკა გვარამია მოვიდა აქ ად იძულებულია, რომ გამოკითხვაზე იყოს მოსამართლესთან, ეს არის პირდაპირ ბიძინა ივანიშვილის გადაწყვეტილება, ის უბრალოდ, ვერ ეგუება ადამიანებს, რომლებიც აზროვნებენ მისგან განსხვავებულად, ის ვერ ეგუება ვერცერთ ისეთ ფაქტს, რომელსაც შეუძლია მისი ძალაუფლება შეარყიო და შესაბამისად, ის თუ გვარამიას დაკითხავენ, თუ მას დააპატიმრებენ, მე ეჭვი მეპარება, ბიძინა ივანიშვილი ვერ გაბედავს ამის გაკეთებას, მაგრამ თუ ეს ასე იქნება, ეს იქნება პირდაპირ ივანიშვილის გადაწყვეტილება. ნიკა გვარამია არის პირადად ბიძინა ივანიშვილის შურისძიების ობიექტი,“- განაცხადა ნადირაშვილმა.