"ჩემი ჩამსმელი ისე ჩაჯდება, რომ დიდი ხანი ვერ გამოვა, ამის გარანტიას ვიძლევი

"ჩემი ჩამსმელი ისე ჩაჯდება, რომ დიდი ხანი ვერ გამოვა, ამის გარანტიას ვიძლევი - გვარამია დაკავებას არ გამორიცხავს

პოლიტიკა - 18:04, 01 Aug, 2019

1134

"რუსთავი 2"-ის ყოფილი გენერალური დირექტორი, ნიკა გვარამია აცხადებს, რომ აბსურდულია ის საქმე, რომელიც პროკურატურაში მიმდინარეობს. გვარამია პოლიტიკურ დევნაზე საუბრობს. ის პროკურატურაში დაბარებას ახალი არხის შექმნას უკავშირებს. მისი თქმით, ფინანსური დარღვევას ადგილი არ ჰქონია.

გვარამია კითხვის ნიშანს სვამს "რუსთავი 2"-ის ერთ-ერრთი მეწილის ნინო ნიჟარაძის მისამართითაც, რომელმაც გვარამიას ინფორმაციით მის წინააღმდეგ სარჩელი ევროსასამართლოს გადაწყვეტილების გამოცხადებამდე 2 დღით ადრე შეიტანა.
"რუსთავი 2"-ის ყოფილი გენერალური დირექტორი ეჭვობს, რომ ხელსიუფლებამ წინასწარ იცოდა რა გადაწყვეტილებას მიიღებდა სტრრასბურგის სასამართლო R2-ის საქმეზე.

გვარამია ამბობს, რომმის წინააღმდეგ აღძრული საქმით კომპანიის ახალი მფლობელები შეძლებენ „რუსთავი2“ გაკოტრებულად გამოაცხადონ და ის თანამშრომლები, რომლებიც ამ დრომდე კომპანიაში რჩებიან გაათავისუფლონ.

„ეს ორ საკითხს უკავშირდება, რაც ხდება პირველი - პირადად ჩემს საკითხს, მე გაცხადება გაკეთებული მაქვს, რომ ტელევიზიას ვაკეთებ და აუცილებლად გავაკეთებ რუსთავი 2-ზე ბევრად კარგ ტელევიზიას და ამ მთავრობისთვის ძალიან სერიოზულ კრიტიკულ პლატფორმას, ამ რეჟიმის წინააღმდეგ და მეორე საკითხია, რომ უბრალოდ რუსთავი 2 ეშლებათ, ვერ არიგებენ ხელფასებს. კომპანია მიჰყავთ გაკოტრებისკენ და ეს მათ სურთ, სხვანაირად ვერ იშორებენ ჟურნალისტებს, რომლებიც დარჩნენ რუსთავი 2-ის და მართლაც გმირულად იბრძვიან, რასაც მივესალმები და განცვიფრებას და ძალიან დიდ აღფრთოვანებას გამოვხატავ, ამ გმირული და ურთულესი წინააღმდეგობის გამო, რასაც კურიერი, პ,ს და საინფორმაციო სამსახური გადის დღეს მტრულ გარემოცვაში. რუსთავი2-ს რეალურად აკოტრებენ და სჭირდებათ მიზეზი ჩემში, რომ მე სადღაც ფული წავიღე და ამიტომ კოტრდება რუსთავი 2.

აბსურდია, მე ფული არ მაქვს, წასაღები კი არა მისატანი იყო რუსთავი 2-ის ფული, რომ კომპანიას ეარსება. კომპანია ყველა ვხედავდით,რომ არსებობდა. ეს არის ფეიკი საქმე, მოგონილი საქმე, ვინმე ნიჟარაძის მიერ, რომელიც ორი დღით ადრე შევიდა პროკურატურაში. ეს ნიჟარაძის საქმე გამოგორდა რამდენიმე თვით ადრე და იყო სპეციფიკურად შექმნილი და უკვე როგორც ვხედავ, სპეციფიურად შექმნილი იყო, „რუისთავი2“-ის წართმევის შემდეგ ამ ტიპის გაგრძელებისთვის.

რას მინდა დააკვირდეთ, ნიჟარაძის საქმე რომ გამოგორდა და მთავრობის მიერ შეიქმნა, მთავრობამ უკვე იცოდა, როგორ მთავრდებოდა "რუსთავი 2"-ის საქმე. ეს შეკითხვები არის არამხოლოდ მთავრობის მისამართით, არამედ სტრასბურგის სასამართლოსთან მიმართებით. რატომ და საიდან იცოდა სასამართლოსგან ეს ინფორმაცია საქართველოს ხელისუფლებამ და უტყუარად იცოდა, იმიტომ რომ ნიჟარაძის ფეიკ პლატფორმა, რაც გაგრძელება დასჭირდებოდათ და როგორ უნდა ექნათ იცოდნენ. ეს კითხვები კი ნამდვილად გაჩნდა დღეს. შემიძლია ნებისმიერ კითხვას ვუპასუხო, ფინანსები და კეთილსინდისიერება არის ის საკითხი, სადაც არასდროს არაფერი შემშლია, ძალიან ცუდი გზა აირჩია მთავრობამ ამას ისევ სახელმწიფო გადატრიალება ჯობდა“- განაცხადა ნიკა გვარამიამ.

ის დაკავებას არ გამორიცხავს:

"ცხადია ამას ველოდები, მაგრამ ამის არ მეშინია. გამოვიძინებ ბოლო-ბოლო. მე გამოვალ, მაგრამ ჩემი ჩამსმელი ისე ჩაჯდება, რომ დიდი ხანი ვერ გამოვა, ამის გარანტიას ვიძლევი