ფორმულა კრეატივი ტელევიზიას ყოფილ თავდაცვის მინისტრთან, დავით კეზერაშვილთან ერთად ქმნის.

"ყველა ის ადამიანი, რომელიც იზიარებს ჩვენს ღირებულებებს, აქვს შესაბამისი მიზნები და ამ მიზნების მიღწევის საშუალებებიც თანხვედრაშია, შეგვიძლია პოტენციურ პარტნიორებად განვიხილოთ. აქვე დავადასტურებ, რომ დავით კეზერაშვილსა და ჩვენს შორის მიღწეულია შეთანხმება თანამშრომლობის შესახებ და ძალიან მალე ჩვენი საზოგადოება და მაყურებელი იხილავს ჩვენი თანამშრომლობის შედეგებს. ეს იქნება სრულიად ახალი არხი რომლის ბრენდინგზე მუშაობა მიმდინარეობს და ინფორმაციას დამატებით მოგაწვდით. რაც შეეხება პროექტებს, რა თქმა უნდა, ჩვენს შექმნილ პროექტებს და კიდევ მრავალი სიახლეს მაყურებელი ახალ არხზე იხილავს", - განუცხადეს On.ge-ს ფორმულა კრეატივში.

ამასთან ფორმულა კრეატივი შპს ინტერ მედიაში პროკურატურის შესვლას ახალი ტელევიზიის გაკეთებაში ხელის შეშლად აფასებს:

"იმედს ვიტოვებთ, რომ ხელისუფლებას ეყოფა კეთილგონიერება და არ გააგრძელებს სიტყვის და გამოხატვის თავისუფლების ჩახშობის მცდელობას. ამასთან, ჩვენ მკაფიოდ გვინდა განვაცხადოთ, რომ დაანონსებული ახალი სატელევიზიო პლატფორმა აუცილებლად შეიქმნება, მიუხედავად იმისა თუ რა უკანონო ქმედებებს განახორციელებს ხელისუფლება პროკურატურის ან სხვა სახელმწიფო ორგანოების მეშვეობით", - აცხადებსნ ფორმულა კრეატივში.