"ქაღალდის მგლების ხელისუფლება ჩამოიშლება" - ოქრუაშვილის თანაგუნდელები პოლიტპატიმრების გათავისუფლებას მოითხოვენ

პოლიტიკა - 12:43, 01 Aug, 2019

849

ირაკლი ოქრუაშვილის თანაგუნდელები მათი ლიდერის დაკავებას ბიძინა ივანიშვილს უკავშუირებენ.

"გამარჯვებულ საქართველოში" დღეს ბრიფინგი გაიმართა სადაც კოტე კემულარიამ მოითხოვა ხელისუფლებამ ყველა პოლიტპატიმარი დაუყოვნებლივ გაათავისუფლოს.

„ბიძინა ივანიშვილმა, რომელიც გააცოფა ირაკლი ოქრუაშვილის განცხადებებმა, რომ ირაკლი დაპირდა, რომ არ ჩააქრობინებდა „რუსთავი 2-ს“, „რუსთავი 2ის“ არჩაქრობას ნიშნავდა, რომ ის ვერ მიაჩუმებდა ანაკლიის პორტის რუსეთისთვის გადაცემის თემას, ვერ მიაჩუმებდა იმ სკანდალს, რომელიც წამოიწყო ირაკლი ოქრუაშვილის განცხადებების შემდეგ და ბიძინა ივანიშვილის მითითებებით შეკერილი საქმეების გამომზეურება იწყებოდა, მან გაცეცხლებულმა გასცა ბრძანება, დაეპატიმრებინა თ დაუყოვნებლივ ირაკლი ოქრუაშვილი. პიროვნების თავისუფლებაზეა აგებული დღეს ბიზნესიც და ქვეყნის ეკონომიკებიც, თუ იჭერ პოლიტიკურ კონკურენტს, ეს არის საშინელი გზავნილი ინვესტორებისადმი., მინდა მივმართო, დღევანდელ ხელისუფლებას, დამშვიდდით, გონს მოეგოთ, გასაგებია, რომ თქვენ ხართ ვოლსკები და არ გეშინიათ, მაგრამ თქვენ მუყაოს ვოლსკები ხართ. თანამედროვე ისტორიას კარგად გახსოვთ, რომ ქაღალდის მგლების ხელისუფლება ჩამოიშლება ხოლმე ერთბაშად, და მხოლოდ მოლდავეთი კმარა ამისთვის., დასხედით დიალოგის მაგიდასთან, სადაც პოლიტიკური ოპოზიცია იქნება. გაათავისუფლეთ ყველა პოლიტპატიმარი, თორემ ძალადობით სტაბილურობა ვერ მიიღწევა,“ - განაცხადა კემულარიამ.