ბიზნესმენის დაკავება - "ივანიშვილის გარემოცვა ატერორებს "ფრეგოს" დამფუძნებელს... მამაცაშვილს მოუნდა, დამატებით მილიონები აახიონ ბიზნესმენებს"

პოლიტიკა - 12:21, 01 Aug, 2019

2041

„ნაციონალური მოძრაობის“ წევრი, ლევან ხაბეიშვილი „ფრეგოს“ დამფუძნებლის, გიორგი თოფჩიშვილის დაკავებას ბიძინა ივანიშვილის დეიდასშვილის, უჩა მამაცაშვილთან ბიზნესინტერრესებში გადაკვეთას უკავშირებს.

ხაბეიშვილის ინფორმციით, ივანიშვილის გარემოცვას სურს, გიორგი თოფჩიშვილს ბიზნესი წაართვან ან 5 მილიონი ლარი გადაახდევინონ.

„საუბარია „ფრეგოს“ ერთ-ერთ დამფუძნებელზე, თოფჩიშვილზე და ყველაშვილზე, რომლებიც ფინანსური დანაშაულის გამო არიან დაჭერილები, თუმცა ჩვენ ინფორმაციით, ბატონი რამიშვილი, რომელიც მანამდე მუშაობდა რკინიგზაში, ანუ ბახტაძე იყო ხელმძღვანელი, ის არის უჩა მამაცაშვილის კადრი, ასევე მუშაობდა „არემჯი გოლდში“, ის პირადად ატერორებს ამ ადამიანებს და სთხოვს 5 მილიონ დოლარს თავისუფლებისთვის და ეუბნება, რომ თუ ამ 5 მილიონ დოლარს არ გადაიხდიან, ისინი ვერასდროს ვერ ეღირსებიან საპატიმროს დატოვებას. ამიტომ მნიშვნელოვანია ახლა, მათ შორის არასამთავრობო ორგანიზაციები დაინტერესდნენ ამ საქმით. ასევე მოვუწოდებ საგამოძიებო უწყებებს დაინტერესდნენ ამ საქმით. ეს კონკრეტული ორი ადამიანი, რომელიც დღეს იმყოფება პატიმრობაში, რეალურად დანაშაულთან გვაქვს საქმე თუ უჩა მამაცაშვილს მოუნდა, დამატებით მილიონები აახიონ კონკრეტულ ბიზნესს,“-განაცხადა "კურიერთან" ლევან ხაბეიშვილმა.

„ფრეგოს“ დამფუძნებელი გიორგი თოფჩიშვილი და ვლადიმერ ყველაშვილი, დაახლოებით, ერთი კვირის წინ დააკავეს.