რეორგანიზაცია ჯანდაცვის სამინისტროში - რა განმარტებას აკეთებს მინისტრის მოადგილე

პოლიტიკა - 11:00, 01 Aug, 2019

1444

რეორგანიზაცია საგანგებო სიტუაციების და გადაუდებელი დახმარების ცენტრში - ჯანდაცვის სამინისტრო მიზეზად, მუშაობის მეტ ეფექტიანობას ასახელებენ.

ჯანდაცვის მინისტრის მოადგილე, თამარ გაბუნია აღნიშნავს, რომ ახალ მინისტრს სამინისტროს მუშაობის ოპტიმიზაციასთან დაკავშირებით საკუთარი გეგმები აქვს.

გაბუნია ამბპბს, რომ გადაუდებელი დახმარების სერვისების საკითხი სტანდარტულ რეორგანიზაციის პროცესთან კავშირში არ არის. გაბუნია ამბობს, რომ სამინისტროს გადაუდებელი დახმარების სანებართვო პირობები აქვს განახლებული, რაც სტაციონარებში მომსახურების პირობების გაუმჯობესებას გულისხმობს.

„ ახალი მინისტრი მოვიდა განახლებული გეგმით და ახალი ხედვით და ამისთვის გვჭირდება ჩვენც სტრუქტურა შევუსაბამოთ იმ ძირითად ჩვენს სტრატეგიულ მიმართულებებს, რომელზეც საუბარი გვაქვს. არ არის ნამდვილად მიზანი ის, რომ, კადრი გვიჭირს ჩვენ, არ გვყავს აქ ბევრი ადამიანი და აქ არ არის საუბარი იმაზე, რომ ჭარბი კადრია სამინისტროში, არის ოპტიმიზაციაა მთავარი მიზანი, იმისთვის, რომ მოხდეს ეფექტურობის გაუმჯობესება მუშაობის. რაც შეეხება გადაუდებელი დახმარების სერვისს, ეს აბსოლუტურად განსხვავებული თემაა და არ შეეხება ამ შემთხვევაში სამინისტროში მიმდინარე პროცესებს, რომელიც საკადრო რეფორმას უკავშირდება და არის სტანდარტული რეორგანიზაციის პროცესი. მაღალი ინტერესია ამ დღეებში გადაუდებელი დახმარების სერვისებთან მიმართებაში. ამასთან დაკავშირებით მინდა გითხრათ, რომ გადაუდებელი დახმარების სანებართვო პირობები აქვს სამინისტროს განახლებული, მომზადებული, რომელიც ითვალისწინებს სტაციონარებში გარკვეული მოთხოვნების ჩამოყალიბებას იმისთვის, რომ გაჩნდეს ბევრ ადგილზე მაღალი ხარისხის გადაუდებელი დახმარების შესაძლებლობა,“- განაცხადა გაბუნიამ.

ჯანდაცვის სამინისტროში ახალი მინისტრის დანიშვნის შემდეგ სასწრაფო–სამედიცინო სამსახურის თანამშრომლებს სამსახურიდან შესაძლო გათავისუფლებაზე ხელს აწერინებენ.