საფრანგეთის ელჩმა პასკალ მენიემ მამუკა ხაზარაძესა და ბადრი ჯაფარიძის წინააღმდეგ დაწყებულ დავასთან დაკავშირებით კომენტარი გააკეთა.

მისი თქმით, საქართველოს იმიჯზე არსებული მდგომარეობა ცუდ შთაბეჭდილებას ახდენს, რადგან აღნიშნული ბიზნესმენები პროფესიონალებად არიან აღიარებული.

„ამგვარი მოვლენები საქართველოს შესახებ ცუდ შთაბეჭდილებას ქმნის. ორი ადამიანი მამუკა ხაზარაძეც და ბადრი ჯაფარიძეც აღიარებული არიან პროფესიონალ ბიზნესმენებად. ისინი დირექტორთა საბჭომ აირჩია ლონდონში თიბისი ჯგუფის თავმჯდომარეებად. რა თქმა უნდა, კომენტარს ვერ გავაკეთებ, რა ხდება სასამართლოში. მაგრამ ძალიან მნიშვნელოვანია, საქართველომ შეინარჩუნოს იმიჯი, როგორც დემოკრატიამ და ქვეყანამ, სადაც სამართლებრივი დავის წარმოება ხდება პოლიტიკური მოტივაციის გარეშე. იმედი მაქვს, ეს ღირებულებები დაცული იქნება. რაც შეეხება ანაკლიის პორტს, ბევრჯერ მომისმენია მთავრობის, მინისტრების, პრემიერმინისტრის მხრიდან, რომ ეს მნიშვნელოვანი პროექტია. მოხარული ვარ, რომ ღირებული ფრანგული კომპანია შეარჩიეს ამ პროექტის მშენებლობისთვის. ასე რომ იმედი მაქვს, მოლაპარაკებები მთავრობას, კონსორციუმსა და კრედიტორებს შორის გაგრძელდება მშვიდად და პროფესიონალურად იმისთვის, რომ პროექტი განხორციელდეს. ასევე ძალიან მნიშვნელოვანია, რომ პროექტის დაფინანსება უზრუნველყოფილი იყოს. კომპანია ფინანსების გარეშე ვერაფერს გააკეთებს. ხალხი უყურებს საქართველოს. თუ გიყურებს მიმზიდველი უნდა იყოს ყველა კუთხით. ინვესტიციები კი ქვეყნის მიმზიდველობის მთავარი ელემენტია" - აღნიშნა საფრანგეთის ელჩმა.