გარეჯში, სალოცავებამდე მისასვლელი გზა ამჯერად სასულიერო პირებისთვისაც დაიხურა. ახლა აღდგომის ტაძრის ძირში სამჯერ უფრო მეტი სამხედრო კარავია გაშლილი, ვიდრე რამდენიმე თვის წინ იყო.

„ქედზე ასვლაც უკვე შეუძლებელია,შეუძლებელია არამხოლოდ მომლოცველებისა და ტურისტებისთვის, მონასტრის წევრებისთვისაც. მოთხოვნა ერთადერთია, რომ გამოყენებული იქნას ის ხელმოწერები და რუკა, რომლითაც უნდა განისაზღვროს საზღვარი. ეს არის 1996 წლის მოლაპარაკების შედეგად ალიევსა და შევარდნაძეს შორის დამტკიცებული რუკაა.

სადაც სამწუხაროდ ბერთუბნის მონასტერი აზერბაიჯანის მხარეს მოხვდა, მაგრამ უდაბნოს მონასტერს საფრთხე არ ემუქრებოდა,“- ამბობს მორჩილი ზაზა ტატუნაშვილი.