"20 ივნისს დაკავებული 18 მოქალაქე გმირია"- ოპოზიცია გავრილოვის ღამეს დაკავებულებს საადვოკატო მომსახურებას სთავაზობს

პოლიტიკა - 12:23, 30 Jul, 2019

1236

"გამარჯვებული საქართველოს" ოფისში ირაკლი ოქრუაშვილის დაკავებასთან დაკავშირებით ოპოზიციის წევრების ბრიფინგი გაიმართა.

როგორც ბრიფინგზე "ერთიანი ნაციონალური მოძრაობის" წევრმა მურთაზ ზოდელავამ განაცხადა, 20 ივნისს დაკავებული პირები გმირები არიან. მისივე თქმით, ოპოზიციის წარმომადგენლები მზად არიან მათ ოჯახებს საადვოკატო მომსახურებით დაეხმარონ, რადგან მათი საქმეები ისეთივე "შეკერილია" პოლიციელების ჩვენებების მიხედვით, როგორც ირაკლი ოქრუაშვილის ჩვენებები.

"ძალიან ბევრს ვლაპარაკობთ პოლიტიკოსებზე და ეს კარგია, რდგან მათ სჭირდებათ ნამდვილად გამხნევება და ისინიც არიან ადამიანები, მე დარწმუნებული ვარ, რომ ისინი ამ ეტაპს, განსაცდელს ძალიან ღირსეულად გაივლიან, მაგრამ ჩვენ ასევე ყურადღება უნდა გავამახვილოთ იმ დანარჩენ 18 ადამიანზე, რომელიც არინ დაპატიმრებული იმის გამო, რომ ისინი არიან 20 ივნისის გმირები, მოდი პირდაპირ ვთქვათ და დავარქვათ თავისი სახელი, არ შეუშინდნენ ივანიშვილს, რეჟიმს, მათ დაარღვიეს ომერტა ივანიშვილის წინააღმდეგ და ამას ძალიან დიდი მნიშვნელობა და ეფექტი აქვს. ყველა მათგანს მოვუწოდებთ, რომ გამხნევნენ, მათთან ერთად ვართ, მოვუწოდებთ მათ ოჯახებს, რომ გამოყენონ ჩვენი რესურსი, რადგან ძალიან ბევრი ვილაპრაკეთ ნიკა მელიას და ირაკლი ოქრუაშვილის უსამხილო საქმეზე, ე.წ საპოლიციო მოწმეებზე და დარწმუნებულები ვართ, რომ მათ საქმეებშიც იგივე ხდება, რადგან მხოლოდ გახარიას მოწმეები იქნებიან მათ საქმეებში და ეს ყველაერი შეიძლება იყოს გამოყენებულ ამ ბიჭების სასარგებლოდ და მზად ვართ ჩავერთოთ ამ პროცესში და ვუზრუნველყოთ როგორც საადვოკატო ასევე, მივცეთ სიტყვის მიმართვის პლათფორმა, მოვუწოდებთ ამ ადამიანებს იბრძოლონ ჩვენთან ერთად, იმიტომ რომ ეს დაკავებული ადამიანები, არიან 20 ივნისის გმირები და იმსახურებენ იმას, რომ საზოგადოების სოლიდარობა მიიღონ, გამხნევდით, ჩვენ ვაფასებთ თქვენს გმირობას, მე პირადად ვფიქრობ, რომ 20 ივნისს დაკავებული ბიჭები არიან ბევრად უფრო მნიშვნელოვანი, ვიდრე ნებისმიერი პოლიტიკოსი" - განაცხადა მურთაზ ზოდელავამ.