იუსტიციის უმაღლეს საბჭოში, უზენაესი სასამართლოს მოსამართლეობის კანდიდატებთან გასაუბრება გრძელდება.

პირველი საბჭოს წევრთა კითხვებს ნიკოლოზ მარსაგიშვილი პასუხობს.

იუსტიციის უმაღლესი საბჭოს მოსამართლე წევრმა, დიმიტრი გვრიტიშვილმა კი სხდომის დაწყებამდე საშვებულებო პერიოდის გათვალისწინებით, მოსამართლეობის კანდიდატებთან გასაუბრების პროცესის დროებით გადადება მოითხოვა.

„ეს იყო ჩემი, როგორც საბჭოს ერთი წევრის მოსაზრება.როგორც სხდომის თავმჯდომარე, წარვმართავ პროცესს. საშვებულებო პერიოდია და როგორც საბჭოს ერთმა წევრმა, ჩემი მოსაზრება გამოვთქვი. არ გამოვრიცხავ, ეს საკითხი განვიხილოთ, თუმცა იმასაც ვითვალისწინებ, რომ უზენაეს სასამართლოში უმძიმესი ვითარებაა. არაერთხელ ვთქვი, რომ პროცესი რაც შეიძლება გონივრულ ვადაში უნდა დასრულდეს საბჭოშიც და პარლამენტშიც“, - განაცხადა გვრიტიშვილმა​.

რაც შეეხება მოსამართლეობის კანდიდატებს, მისი თქმით ისინი საკმაოდ მოტივირებულები არიან.

„კანდიდატები სამი-ოთხი საათის განმავლობაში შეკითხვებს გულწრფელად და კომპეტენტურად პასუხობენ. ნაზი ჯანეზაშვილის მიერ გამოყენებული ტერმინი, თუნდაც ე.წ. მასა იხმარა მან მოქმედი მოსამართლეების მიმართ, სისტემატური ხასიათი მიეცა იმასაც, რომ მოსამართლეებს წარმოაჩენენ ე.წ. თოჯინებად. ეს არის აბსოლუტურად დაუშვებელი მიდგომა, - განაცხადა დიმიტრი გვრიტიშვილმა.