"საერთაშორისო გამჭვირვალობა - საქართველოს” აღმასრულებელი დირექტორი, ეკა გიგაური ირაკლი ოქრუაშვილის საქმეს ეხმაურება.

მისი შეფასებით, რადგან თავდაცვის ყოფილი მინისტრი "რუსთავი 2"-ის საქმესთან დაკავშირებით ღიად საუბრობდა, შესაძლებელია ბიძინა ივანიშვილისთვის ეს ყველაფერი არასასიამოვნო იყო.

„ძალიან ბევრი კითხვის ნიშანია, ვფიქრობ, რომ ხელისუფლება უნდა დაფიქრდეს და უფრო მეტად გამჭვირვალე იყოს ამ პროცესთან მიმართებაში, იმის გათვალისწინებით, რომ იქამდე, სანამ ეს ყველაფერი მოხდებოდა, ოქრუაშვილი საუბრობდა ასევე კონკრეტულ ინფორმაციაზე „რუსთავი 2"-თან დაკავშირებით და ეს შესაძლებელია, ყოფილიყო არასასიამოვნო მმართველი პარტიისთვის და ბიძინა ივანიშვილისთვის და მეორე, ის, რომ ის არის პოლიტიკური პარტიის წევრი და როდესაც პოლიტიკოსებზე არის საუბარი, აქ უფრო მეტი გამჭვირვალობაა საჭირო. პოლიტპატიმრებთან მიმართებაში ვიტყოდი იმას, რომ ჯერჯერობით, იმ მტკიცებულებებით, რომელიც არის წარმოდგენილი, ჩანს, რომ აქ არის პოლიტიკური მოტივაციები" - აღნიშნა გიგაურმა.