ვოლინკინი კარასინის ნაცვლად- აბაშიძე არ აკონკრეტებს ითანამშრომლებს თუ არა საქართველოს მიერ პერსონა ნონ გრატად გამოცხადებულ კოლეგასთან

პოლიტიკა - 15:17, 29 Jul, 2019

1132

რუსეთთან ურთიერთობების საკითხებში საქართველოს პრემიერ-მინისტრის მრჩეველი ზურაბ აბაშიძე "ნიუპოსტთან" არ აკონკრეტებს ითანამშრომლებს თუ არა ივან ვოლინკინთან, რომელიც სავარაუდოდ რუსეთის საგარეო საქმეთა მინისტრის მოადგილის პოსტს დაიკავებს.
ზურაბ აბაშიძე აღნიშნავს, რომ გრიგორი კარასინის შეცვლის შეახებ მათ ინფორმაცია ოფიციალურ დონეზე არ მიუღიათ.
"ბატონი კარასინის შესაძლო შემცველთან დაკავშირებით ინფორმაცია გავიგეთ მედიასაშუალებებიდან. ოფოციალური ინფორმაცია რუსეთის საგარეო უწყებიდან არ გვინახავს. კომენტარს გავაკეთებთ მას შემდეგ, რაც იქნება ასეთი ინფორმაცია რუსეთის საგარეო საქეთა სამინისტროდან. მოდით ამ ეტაპზე ამ კომენტარით შემოვიფარგლოთ. ჯერ-ჯერობით სხვას ვერაფერს ვიტყვით. კომენტარს და შეფასებებს მას შემდეგ გავაკეთებთ, როცა შესაბამისი ოფიციალური განცხადება იქნება"- აღნიშნა აბაშიძემ.
ცნობილია, რომ 2007 წელს ივან ვოლინკინი საქართველოს ხელისუფლებამ ორ რუს დიპლომატთან ერთად პერსონა ნონ გრატად გამოცხადა და ქვეყნიდან გააძევა.
რუსეთის საგარეო საქმეთა მინისტრის მოადგილე გრიგორი კარასინი თანამდებობას ტოვებს.
მიზეზი დიპლომატის ასაკია. კარასინს 23 აგვისტოს 70 წელი უსრულდება.
რუსეთის „სახელმწიფო სამსახურის“ შესახებ კანონის თანახმად, აღნიშნული თანამდებობის დაკავება მას სწორედ ამ დრომდე შეუძლია.