"ივანიშვილს ნერვებმა უმტყუნა"- ოლიგარქმა შეკვეთილში ტყვიაგაუმტარი მინები და თავდაცვით საშუალებები მიატანინა

პოლიტიკა - 12:13, 29 Jul, 2019

2616

ბიძინა ივანიშვილმა, შეკვეთილში უსაფრთხოების განსაკუთრებული ზომები მიიღო. "ქართული ოცნების" თავმჯდომარემ ტყვიაგაუმტარი მინების ახალი პარტია მიატანინა.

ცნობილის, რომ ივანიშვილის სასახლესთან თვეზე მეტია, მიმდინარეობს საპროტესტო აქციები, რომლის მთავარი მოთხოვნა გიორგი გახარიას გადადგომაა.

როგორც აქციის მონაწილეები აცხადებენ, ივანიშვილს ნერვებმა უმტყუნა და მის ხელქვეითებს საცხოვრებლის დასაცავად დამატებითი ზომების მიღება უბრძანა.

ტყვიაგაუმტარი მინების შეკვეთილის სასახლესთან მიტანას ივანიშვილის შიშს უკავშირებს „ერთიანი ნაციონალური მოძრაობის” პოლიტიკური საბჭოს წევრი, ოზურგეთის რაიონული ორგანიზაციის თავმჯდომარე, დავით მჟავანაძე. მისი თქმით, ივანიშვილი დამფრთხალია აქციების გამო, თუმცა, აღნიშნავს, რომ მას იარაღით არავინ ემუქრება.

„ეზიდებიან ბრონირებულ შუშებს და თავდაცვით საშუალებებს და ამ ყველაფერს განათავსებს, როგორც საცხოვრებელი სახლის ტერიტორიაზე, ასევე, დენდროლოგიური პარკის ტერიტორიაზე. ბიძინა ივანიშვილი შეშინებულია, ის დამფრთხალია და ფიქრობს, რომ შუშის კედლები უშველის, მას არავინ არ ებრძვის იარაღით, მას კანონის წინაშე მოუწევს პასუხისგება,“ - განაცხადა მჟავანაძემ.