მთავრობა ხალხის ფულით ლევან ვასაძის ბიზნესს აფინანსებს - "ოცნების" მადლობა "კომბლიან რაინდს" (ვიდეო)

პოლიტიკა - 22:35, 27 Jul, 2019

4193

"ოცნების" მადლობა "კომბლიან რაინდს" - გამომძიებელმა ჟურნალისტებმა დაადგინეს, რომ ბიზნესის საკეთებლად ვასაძეს ნახევარ მილიონზე მეტი „ქართული ოცნების“ მთავრობამ საქართველოს ბიუჯეტიდან გადაურიცხა.

"თავისუფლების მონიტორმა" გამოძია, რომ ფული ლევან ვასაძის კომპანიამ აგროკრედიტის ფარგლებში მიიღო. წესით, ამ პროგრამით სახელმწიფო იმ შედარებით მცირე ბიზნესს უნდა აფინანსებდეს, რომელიც პირველ ნაბიჯებს დგამს და დახმარება სჭირდება, თუმცა რა კრიტერიუმით მიიღო მილიონიანი ბიზნესის პატრონმა ფული ბიუჯეტიდან, რთული ასახსნელია. ლევან ვასაძის ალკოჰოლური სასმელების ქარხანაში მისულმა „კურიერის“ გადამღებმა ჯგუფმა მთავარ კითხვაზე პასუხი ვერ მიიღო,, მაგრამ „ბაგრატიონი 1882-ში“ დაადასტურეს, რომ 600 ათასი ლარით მათ სახელმწიფო დაეხმარა.

ლევან ვასაძემ სახელმწიფოსგან 600 ათასი 2014 წელს პროგრამა შეღავათიანი აგროკრედიტის ფარგლებში მიიღო. სააგენტო „აწარმოე საქართველოს“ დირექტორმა „კურიერს“ განუცხადა, რომ ვასაძის ქეისს ვერ იხსენებს. ამბობს, რომ ამავე სახელწოდებით რამდენიმე პროექტი ხორციელდება სხვადასხვა უწყების მიერ და შესაძლოა, ბიზნესმენი რომელიმე მათგანით იყოს დაფინანსებული.

თუმცა სახელმწიფომ არ დააფინანსა სოფელ ზემო ალვანში მცხოვრები ლევან მიქელაძის მცირე ბიზნესი. ის „ქართული ოცნების“ შემომწირველი არ არის. მას თუშური ქუმელი მოყავს და ჯანმრთელობისთვის ძალიან სასარგებლო პროდუქტს ამზადებს.

იხილეთ ვრცლად ვიდეო: rustavi2.ge