მამუკა ხაზარაძე ამბობს, რომ სასამართლოს მიერ გამოტანილი გირაოთი მას ვერ შეაშინებენ.

როგორც თიბისი ბანკის თაბმჯდომარემ განაცხადა, ქვეყანას ერთი ადამიანი მართავს, თუმცა მან კონკრეტული გვარის დასახელება არ ისურვა და თქვა რომ "ეს ყველამ იცის".

"ვართ სიტუაციაში, როდესაც ერთი პირი მართავს ქვეყანას ინსტიტუციების გარეშე, თქვენ იცით, ვინ არის ეს ერთი პირი, ის არის დირიჟორი და შემსრულებლები ჰყავს ძალიან ცუდი... გპირდებით, რომ ეს ბრძოლა გაგრძელდება ბოლომდე. ამ ბრძოლას გავაგრძელებ ჩემს მეგობრებთან ერთად, რომ ეს ჭაობი შეიცვალოს. ეს დამთავრდება, ესენი წავლენ სახლში, სისტემა დაინგრევა ძალიან მალე"- აღნიშნა ხაზარაძემ.

მისი თქმით, საზოგადოებრივ ორგანიზაციაში იქნებიან ის ადამიანები, ვისაც არ უნდა რუსული ორიენტაცია.

"ვინც ებრძვის ოკუპაციას და ვისაც უნდა, რომ საქართველო შედგეს წარმატებულ ქვეყნად, კლანურ და ნეპოტისტურ მმართველობას არ ჰქონდეს ადგილი, დღეს ვართ სიტუაციაში, როცა ერთი პირი მართავს ქვეყანას, ინსტიტუციების გარეშე, ეს პირი იცით, ვინც არის, ეს არის დირიჟორი ამ ქვეყნის, რომელსაც ჰყავს უცოდინარი შემსრულებლები. გპირდებით, რომ ეს ბრძოლა გაგრძელდება ბოლომდე. მათგან განსხვავებით, მე პირადი ბოღმა კი არ მაქვს ჩადებული, მე ბრძოლას გავაგრძელებ, რომ ეს ჭაობი შეიცვალოს.

ეს სისტემა, გარანტიას გაძლევთ, დაინგრევა ძალიან მალე. ესენი სახლში წავლენ და ყველა გონს მოეგოს. ყველას გპირდებით, რომ ეს დამთავრდება ამ ქვეყანაში და ის მოტყუებული ხალხი, რომელმაც ვიფიქრეთ, რომ 2012 წელს ქვეყანაში რაღაც შეიძლება, მივიღეთ აბსოლუტური უკიდურესობა. ეს დამთავრდება.

კარგად დავინახე, რა ჭაობშია ქვეყანა. ამას ვამბობ მთელი პასუხისმგებლობით. ყოველთვის ვცდილობდი, არ მეთქვა ის, რაც გულში მქონდა.

მნიშვნელოვანია, რომ შენი პოზიციის გამო ვიღაცის ინტერესი არ დააზიანო, დღეს დავინახე სრული ჭაობი, პროკურატურის მხრიდან უცოდინარობის პიკი. ერთ-ერთი გოგონა, პროკურორი, რომელსაც შეუძლია 5 წუთიანი ბრიფინგით ქართულ ეკონომიკას ცელი გამოუსვას და 5 მილიარდი ლარის ზიანი მიაყენოს და ამაზე მას და მის ხელმძღვანელებს პასუხს არ სთხოვს. ეს ნიშნავს, რომ ქვეყანა არ გვაქვს, ინსტიტუციები მოშლილი გვაქვს,“ -აღნიშნა ხაზარაძემ.