„რუსთავი 2"-ის დამფუძნებელს, დავით დვალს არ ჯერა, რომ ახალი ხელმძღვანელის პირობებში ტელევიზიის სარედაქციო პოლიტიკა არ შეიცვლაბა.

„შეიძლება ხმამაღლა ვთქვა და ვიღაცას ყური მოსჭრას, მაგრამ მე მაინც ვიტყვი ამას, არ მეშინია. რაღაც შელოცვას ჰგავს ის ფრაზა, რომ სარედაქციო პოლიტიკა არ შეიცვლება, იმიტომ, რომ არ მჯერა ერთი წამით მაგის, რომ არ შეიცვლება. სარედაქციო პოლიტიკა შესაცვლელია, რა თქმა უნდა, შესაცვლელია იმ მხრივ, რომ ტაბუები უნდა აეხსნას რაღაც თემებს, რომელიც სამწუხაროდ, იმის გამო, რომ გარკვეული პოლიტიკური ჯგუფის ზეგავლენის ქვეშ არის და ის მფლობელი სადღაც კონკრეტული პოლიტიკური ჯგუფის უკან იკარგება, ის თემები და მათგან წამოსული დღის განრიგიც მოიხსნას და ტელევიზია უნდა იყოს მართლა თავისუფალი,“ - განაცხადა დავით დვალმა.