სკანდალური კადრები - არსენალის ფეხბურთელებს დანით შეიარაღებული ბოროტმოქმედები თავს დაესხნენ და მანქანის წართმევა სცადეს

სპორტი - 12:58, 26 Jul, 2019

3577

SKYNEWS-ის ინფორმაციით, არსენალის ფეხბურთელებს, მესუთ იოზილსა და სიდ კოლასინაჩს თავს დაესხნენ, რომლის ამსახველი კადრები სათვალთვალო კამერამ დააფიქსირა- დანით შეიარაღებული ბოროტმოქმედები მოპედის საშუალებით დაადევნენ ფეხბურთელებს, რა დროსაც ისინი გადაადგილდებოდნენ არსენალის ნახევარმცველის, მესუთ იოზილის MERCEDES G CLASS-ის მანქანით. თავდამსხმელებს სურდათ მანქანის წარმთევა, როდესაც ბოსნიელი ფეხბურთელი, კოლასინაჩი მანქანიდან გადმოხტა და შიშველი ხელებით შეეცადა ბოროტმოქმედთა შეჩერებას. კრიმინალებმა თავდასხმის დროს აგურით შეამტვრიეს მანქანის ფანჯრები, რა დროსაც მანქანაში იმყოფებოდა აგრეთვე მესუთ იოზილის მეუღლე.

შემთხვევის ადგილიდან არსენალის ფეხბურთელი, იოზილი სწრაფადვე გაიქცა და თავი შეაფარა ახლომდებარე თურქულ რესტორანს, როდესაც მზარეულები და მიმტანები გამოვიდნენ მის დასახმარებლად და თავდამსხმელთა მოსაგერიებლად.

თვითმხილველის ინფორმაციით, იოზილი ძალზე შეშინებული იყო თავდასხმის დროს- სწორედ ამ დროს იგი შეშფოთებული გაიქცა თურქულ რესტორანში და დახმარება ითხოვა.

საფეხბურთო გუნდ არსენალის ხელმძღვანელობის ინფორმაციით, თავდასხმის შედეგად არც ერთი ფეხბურთელი არ დაშავებულმა .

აღნიშნულ ფაქტზე პოლიციამ დაიწყო გამოძიება , თუმცა ამ დრომდე კრიმინალები არ დაუკავებიათ.