"ლეიბორისტული პარტიის" წევრმა გიორგი გუგავამ "გამარჯვებული საქართველოს" ოფისში ირაკლი ოქრუაშვილის დაპატიმრებასთან დაკავშირებით გამართულ ბრიფინგზე განაცხადა, რომ ივანიშვილმა ერთპიროვნულად შუშის სასახლიდან დაიწყო პოლიტიკური ოპონენტების დევნა.

მისივე თქმით, ივანიშვილის ბანდა გამყიდვლური ქმედებების გამო აუცილებლად მიეცემა პასუხისგებაში.

"პოლიტიკური მოწინააღმდეგის, ოპონენტის უსაფუძვლო ბრალდებებით დაპატიმრება არის მცდელობა, კრემლიდან დანიშნულ მეფისნაცვალმა ივანიშვილმა ქვეყანაში დაამყაროს დიქტატურა. ეს მცდელობა მას არ გაუვა, ირაკლი ოქრუაშვილის დაკავებას არანაირი რეალური საფუძველი არ უდევს, გარდა იმისა, დიდი ალბათობით დასტურდება მის მიერ გამოქვეყნებული დოკუმენტის ნამდვილობა რუსთავი2-ის მესაკუთრეობასთან დაკავშირებით და მეორე რამაც ყველაზე მეტად აღაშფოთა ივანიშვილი, რომ ირაკლი ოქრუაშვილმა ამხილა ის იმ უკანონო ქმედებებში, რომელსაც ჩადის ეს რეჟიმი, ეს არის შეთხზული და შეკერილი საქმეები, პროკურატურისა და სასამართლოს მართვა, ერთპიროვნულად შუშის სასახლიდან და სწორედ ამიტომ დაიწყო დევნა პოლიტიკური ოპონენტებისა. ყველა ეს მცდელობები დამთავრდება კრახით, ის აუცილებლად დაიმძიმებს თავის განაჩენს პოლიტიკური პატიმრები აუცილებლად გათავისუფლდებიან ხოლო, ივანიშვილი და მისი ბანდა მიეცემიან პასუხისგებაში იმ გამყიდველური ქმედებების გამო, რომელსაც ის ქვეყნისა და ხალხის წინაშე ჩადის" - აღნიშნა გუგავამ.