განხეთქილება „იმედში“ - ჟურნალისტების ნაწილი ნაცვლიშვილ-ლალიაშვილის სახელისუფლებო ცენზურას აპროტესტებს

პოლიტიკა - 16:51, 25 Jul, 2019

3952

ხელისუფლებას ტელეკომპანია "იმედის" სახით მორიგი თავსატეხი გაუჩნდა.

როგორც "ნიუპოსტს" ინფორმირებული წყარო უყვება, ჟურნალისტების ნაწილი, ლაშა ნაცვლიშვილისა და ნიკა ლალიაშვილის პარტიული დავალებების შესრულებაზე უარს აცხადებს.

სიტუაცია იქამდეც მივიდა, რომ რამდენიმე ჟურნალისტმა არხის დატოვება დემონსტრაციულად გადაწყვიტა.
მედია წრეებში არავისთვის არის უცხო, რომ "იმედის" საინფორმაციო სამსახურს წელიწადზე მეტია, არაფორმალურად ლაშა ნაცვლიშვილი მართავს და ხელისუფლება მესიჯებს სწორედ მასთან აგზავნის, თუმცა ჩვენი წყარო ამბობს, რომ ლალიაშვილ-ნაცვლიშვილს უფრო მეტი მოთხოვნები გაუჩნდათ და ერთ-ერთ ჟურნალისტს პარლამენტის წინ მიმდინარე აქციების მადისკრედიტებელი სიუჟეტის მომზადება დაავალეს.

სიუჟეტის მთავარი ხაზი უნდა ყოფილიყო თუ რამდენად დიდ დარტყმას აყენებს ქუჩის აქციები ქვეყნის ეკონომიკას. მართალია, სიუჟეტი მომზადდა, თუმცა ლალიაშვილს არ მოუწონა და კორესპდენტს მეტი სიმწვავე მოსთხოვა, უარის შემდეგ კი ჟურნალისტი გაათავსიუფლეს.

ამის შემდეგ "იმედში" საგანგებო თათბირი ჩატარდა, სადაც ჟურნალისტებს განუცხადეს, რომ მათ პროფესიონალიზმი აკლიათ და "რუსთავი 2"-ის დღის წესრიგს არიან აყოლილები.

ნიკა ლალიაშვილმა ჟურნალისტებს უთხრა, რომ ყველა ტექსტის მასთან გავლა აუცილებელი პირობაა და მისი ნებართვის გარეშე ზედმეტი მძიმეც კი არ დაისმეოდა.

ხელმძღვანელობის ულტიმატუმი მიუღებელი აღმოჩნდა ჟურნალისტებისთვის. ჩვენი წყარო ირწმუნება, რომ რამდენიმე ჟურნალისტმა ზეწოლის შესახებ "ქართული ოცნების" გავლენიან სახეებთან იჩივლა და ის ტექსტიჩ ჩაუგდო, რომლის წაკითხვასაც ისინი პირდაპირ ეთერში გეგმავდნენ.

ბუნებრივია სახელსუფლებო არხზე აჟიოტაჟი მმართველ პარტიას არ აწყობს და "იმედის" შეფებს სიტუაციის უსწრაფესად დამშვიდება დაევალათ.

ცნობილია, ისიც რომ "ქრონიკის" გუნდი საინფორმაციო სამსახურის უფროსად ირაკლი ჩიხლაძის დანიშვნას დადფებითად არ შეხვედრია. ერთ-ერთმა ჟრნალისტმა პირდაპირ თქვა, რომ ჩიხლაძე ლალიაშვილის კადრი და ხელისუფლებასთან ყველაზე აფილირებული სახეა.

ჩვენი ინფორმაციით, მშვიდად არ ზის ნანა ლეჟავაც, რომელიც არხის მენეჯმენტმა ჩამოალაბორანტა და უახლოეს პერიოდში გაშვებასაც უპირებს.

წყაროს თქმით, ლეჟავა უკმნაყოფილო ჟურნალისტებთან არაოფიციალურ შეხვედრებს მართავს და იმუქრება, რომ "იმედს" და ხელისუფლებას მის მოშორებას ძვირად დაუსვამს. არაოფიციალური ინფორმაციით, ჟურნალისტებთან ლეჟავამ კონკრეტული საუბრის ჩანაწერი ახსენა, რომელიც სავარაუდოდ ნანა ლეჟავას მთავარი კოზირია.