19 წლის თემირლან მაჩალიკაშვილის მამა, მალხაზ მაჩალიკაშვილი რუსთვაელზე იმყოფება და ცდილობს პარლამენტის წინ კარავი გაშალოს.

შვილმოკლულ მამას კარვის დადგმის უფლება ადგილზე მიბილიზებულმა პოლიციამ არ მისცა.

პოლიციის ინფორმაციით, ადგილზე სარეაბილიტაციო სამუშაოების ჩატარება იგეგმება, უნდა აიყაროს ფილები და კარვის გაშლა მიზანშეწონილი არ არის.

მალხაზ მაჩალიკაშვილს პარლამენტთან კარავი თვეების განმავლობაში ჰქონდა გაშლილი, თუმცა 20 ივნისის მოვლენების შემდეგ მისი თქმით, კარავი პოლიციამ წაიღო.

მაჩალიკაშვილი ამბობს, რომ კარვებს კეთილმოწყობის სამსახურის ეზოში იპოვა.

"11 თვის განმავლობაში ჩემი აქცია არ შეწყვეტილა დღე და ღამე. მითხარით, რატომ მოკალით ჩემი შვილი, თუ მოკალით, დამნაშავე იყო თუ არა? თუ იყო, დამიდეთ რამე ფაქტი, თუ არ იყო, აღიარეთ სახელმწიფომ დანაშაული. შიგნით საუბრობენ იმაზე, დიახ, ჩვენ დავაშავეთ, ეს იყო შეცდომა და მაჩალიკაშვილთან მოლაპარაკება უნდა შეგდესო. არავითარი მოლაპარაკება არ შედგება, სანამ არ იტყვიან, რომ მძინარე ბავშვი მოკლეს, რომ ამ დანაშაულის „გასაპრავებლად“ ის ბავშვი ტერორისტად გამოვაცხადეთო. ამას ვითხოვ 429 დღე-ღამეა. აქ რაც გამოვიარე, არავის ვუსურვებ“, - განაცხადა მაჩალიკაშვილმა.