თიბისი ბანკის დამფუძნებლების მამუკა ხაზარაძის და მამუკა ჯაფარიძის ადვოკატი ზვიად კორძაძე, პროკურატურის მიერ ხაზარაძე-ჯაფარიძის მიმართ წარდგენილი ბრალის აბსურდულს უწოდებს, მისი თქმით, საგამოძიებო ორგანოს მიერ გამოტანილი დადგენილება პროკურატურის დაცინვაა, რადგან ფულის გათეთრების ბრალდება აბსურდულია:

„იმის შესახებ თუ რა არის მთავარი არგუმენტი შემიძლია გითხრათ, რომ არაფერი. მე 1995 წლიდან ადვოკატი ვარ და ასეთი აბსურდული ბრალის დადგენილება არ მინახავს. ამ ბრალის დადგენილებას გარდა სათაურისა, რომ არის ფულის გათეთრებას თაობაზე, არაფერი საერთო ფულის გათეთრებასთან არ აქვს. ამას ვსაუბრობ როგორც ამ ადამიანების ადვოკატი და როგორც იურისტი, სრული პასუხისმგებლობით, ეს არის პროკურატურის დაცინვა და ძალიან სამწუხაროა რომ პროკურატურას და იმ კვალიფიციურ გამომძიებლებს ასეთი ფორმით გამოაქვთ დადგენილება, მე სტუდენტებს ვასწავლი და კოდექსში ასე წერია, რომ ფულის გათეთრება არის უკანონო ბრუნვაში მყოფი ფულის ლეგალური სახის მიცემა, ბრალის დადგენილებაში წერია, რომ მაუკა ხაზარაძემ და ბადრი ჯაფარიძემ გაათეთრეს თიბისი ბანკის ფული, ეს პირველი-მეორე კურსის პროგრამაა, მესამე კურსზეც ვერ გადავა.“- განაცხადა ზვიად კორძაძემ.