"მე ვიყავი საბჭოთა პროკურატურაში... ამ ორკესტრირებულ შეტევას ცუდი დირიჟორი ჰყავს"- მამუკა ხაზარაძე

პოლიტიკა - 17:46, 24 Jul, 2019

1519

მამუკა ხაზარაძე ამბობს, რომ ის საგამოძიებო ორგანოში 5 წუთით მიიყვანეს და ადვოკატებს "რაღაც ქაღალდები მისცეს".

მისი თქმით, ორკესტრიორებულ შეტევას "ცუდი დირიჟორი და მუსიკოსები ჰყავთ".
"მაგათ გონიათ ხაზარაძე და ჯაფარიძე დააზარეალეს, ისინი საქართველოს საინვესტიციო გარემოს აზარალებენ"- ამბობს ხაზარაძე.

მისი თქმით, "ანაკლიის პორტი აუცილებლად აშენდება".
თბს ბანკის ხელმძღვანელს არ დაუკონკრეტებია, დგას თუ არა "ორკესტრირებული შეტევის უკან ბიძინა ივანიშვილი".

"ერთი ნაბიჯი არ იქნება უკან, ანაკლია აუცილებლად აშენდება"- თქვა მან და აღნიშნა, რომ ისინი საერთაშორისო პარტნიორებთან კომუნიუკაციას იწყებენ.

„მინდა ხაზი გავუსვა, რომ ეს აღარ არის პროკურატურა, ამაში ბევრი შტო არის. მე ამას ორკესტრირებული შეტევა დავარქვი და ეს არის ამ ორკესტრის გაგრძელება,რომელსაც ძალიან ცუდი დირიჟორები და მუსიკოსები ჰყავს.

დღევანდელი ბრიფინგი არის გამეორება ზუსტად იმ წინა ორი ბრიფინგისა, რომელმაც იანვარ-თებერვალში გამოიწვია ლონდონში ჩვენი აქციონერების 200 მილიონი დოლარით დაზარალება. დღევანდელი ბრიფინგი, მხოლოდ იმის გამო,რომ ჩვენ აქ ხუთი წუთით მოვსულიყავით და რაღაც ქაღალდები გადმოეცათ 8% დააგდეს TBC ბანკის აქციები და რამდენიმე ათეული მილიონით ჩვენი ინვესტორები.

ეს არის პირდაპირი მიზანმიმართული ქმედება. მაგათ ჰგონიათ ხაზარაძე და ჯაფარიძე დააზიანეს, რომლებიც არიან მინორიტარი აქციონერები? ისინი აზარალებენ საქართველოს საინვესტიციო კლიმატს. ეუბნებიან ინვესტორებს, რომ აქ უსაფრთხოდ არ ხართ, ვიღაც ბიუროკრატ პროკურორს შეუძლია გამოვიდეს და დაანგრიოს რეგიონში ყველაზე წარმატებული ინსტიტუტის და რეგიონში ყველაზე წარმატებული ინსტიტუციის, რომელსაც ძალიან სამარცხვინო ეროვნული ბანკის მმართველი ჰყავს, ამაზე ცალკე ვისაუბრებთ.ჩვენ თავიდან აგვირჩია 105-მა მსოფლიოს წამყვანმა აქციონერებმა 98% -თ, რამაც დაამტკიცა, რომ ამ შენობას კანონთან კავშირი არ აქვს, ეს გააკეთეს მას შემდეგ რაც შეისწავლეს გასული 15 წლის საქმიანობა. ყველაფერს გავაკეთებთ, რომ ბადრის და მამუკას გამო არ მიადგეს ჩვენს ინვესტორებს ზიანი.არცერთი სიტყვის არ მჯერა ამ ბიუროკრატების, რომლებიც გამოდიან და ამბობენ, რომ ანაკლია არის სახელმწიფო ინტერესი, იმიტომ რომ ყველა ზღვარს და ფიცს გადავიდნენ მათი ორპირი დამოკიდებულებით ჩვენი ქვეყნის მიმართ. ერთი ნაბიჯი არ იქნება უკან, ანაკლია აუცილებლად აშენდება. ეს ზღაპრების, მინისტრების, რომელიც ვერ ერკვევა ცემენტი როგორ გაარჩიოს ბეტონისგან უნდა დამთავრდეს,“-განაცხადა ხაზარაძემ.