"ილონა თოდუას დავუძახე ადეიშვილის ნარჩენი" - იუსტიციის საბჭოს სხდომა ანა დოლიძემ დატოვა

პოლიტიკა - 16:36, 24 Jul, 2019

1052

იუსტიციის საბჭოს არამოსამართლე წევრმა ანა დოლიძემ იუსტიციის უმაღლესი საბჭოს სხდომა დატოვა.

ამ წუთებში საბჭოს წევრები ილონა თოდუას უსმენენ. დოლიძემ თვითაცილება მოითხოვა. მიზეზად კი მის მიერ ილონა თოდუას მისამართით გაკეთებული განცხადებები დაასახელა. ანა დოლიძე მიიჩნევს, რომ ის ობიექტურ შეფასებას ვერ შეძლებს, ამიტომ დატოვა საბჭოს სხდომა.

„მიუხედავად იმისა, რომ საბჭოს შემადგენლობასა და კონკურსში გამოდიან მაზლები, სიძეები, ყველანაირი ტიპის ნათესავები და საბჭოს მოსამართლეებს დისკომფორტი ამასთან დაკავშირებით არ აქვთ. მე ვამკვიდრებ ახალ სტანდარტს და მოვუწოდებ მათ, შეასრულონ იგივე. აზრი გამოთქმული მაქვს, რა ილონა თოდუასთან დაკავშირებით, მე მას ადრე დავუძახე ადეიშვილის ნარჩენი, და ვგულისხმობ მის მოღვაწეობას სასამართლოში იმ პერიოდში როდესაც იყო რეპრესიული პოლიტიკა მათშორის ოპონენტების მიმართ. მე დღეს თავი ავიცილე და გადავწყვიტე, რომ რადგან ვერ ვიქნები მიუკერძოებელი ამ პროცესში, კანონის შესაბამისად, მონაწილეობა არ მივიღო მის გასაუბრებაში. იგივეს მოვუწოდებ ირაკლი შენგელიას, თამარ ონიანს იმიტომ, რომ ისინი საკუთარ ნათესავებთან დაკავშირებით იღებენ გადაწყვეტილებას, რაც კიდევ უარესია,“ - განაცხად ანა დოლიძემ.