გადაცემა "სირცხვილია" - პარლამენტთან გადაცემაში შესაძლოა გიორგი გახარიაც მიიწვიონ

პოლიტიკა - 09:55, 24 Jul, 2019

968

პარლამენტის წინ საპროტესტო აქცია, რომლის მოთხოვნაც შს მინისტრის გიორგი გახარიას გადადგომაა, უკვე 35-ე დღეა გრძელდება. ბოლო რამდენიმე დღეა ის შეცვლილი ფორმატით მიმდინარეობს. საპრიტესტო აქციაზე ონლაინ გადაცემები მზადდება და მასში პოლიტიკოსებს და სამოქალაქო აქტივისტებს იწვევენ. აქციის ორგანიზატორები თავის მედია პროექტს ნამდვილ საზოგადოებრივ მაუწყებლად მოიხსენიებენ და მსგავსი ფორმატის გაგრძელებას ზაფხულის ბოლომდე აპირებენ. პირველ დღის სტუმრები სცენარისტი ქეთი დევდარიანი და სახალხო დამცველის მოადგილე გიორგი ბურჯანაძე იყვნენ . რუსთაველიდან მიმდინარე ონლაინ გადაცემაში უკვე მიწვეული ყავდათ ეკა ბესელია, მასთან საუბრის მთავარი თემა ფარული ჩანაწერები იყო. დღევანდელ „ეთერს“ კი „გირჩის“ ლიდერს ზურა ჯაფარიძეს და „სამოქალაქო მოძრაობის“ დამფუძნებელ ალეკო ელისაშვილს დაუთმობენ. საუბრის მთავარი თემა "გავრილოვის ღამე", სისტემის დანაშაულები, 2020 წლის პროპორციული არჩევნები და საქართველოს პოლიტიკურ მომავალი იქნება.

აქციის ორგანიზატორები ონლაინ გადაცემაში გიორგი გახარიას მიწვევასაც არ გამორიცხავენ, რათა მან სწორედ იმ ახალგაზრდებს გასცეს პასუხი, რომლებიც მის გადადგომას თვეზე მეტია ითხოვენ.