"ერთადერთი აზრიანი კითხვა იყო ის, რომ რას მოვიმოქმედებდი თუ ხალხი პარამენტში შევიდოდა" - საქალაქო სასამართლოში ირაკლი ოქრუაშილი დაკითხვა დასრულდა

პოლიტიკა - 12:29, 23 Jul, 2019

1368

20 ივნისის საქმეზე ირაკლი ოქრუაშვილის გამოკითხვა დასრულდა. "გამარჯვებული საქართველოს" დამფუძნებელი მაგისტრი მოსამართლის თანდასწრებით კითხვებს 30 წუთის განმავლობაში პასუხობდა.

მისი თქმით, პროკურორებს არც ისე საინტერესო კითხვები ჰქონდათ.

"კარგ სახუმარო ხასიათზე ვიყავი და კითხვაზე, ვაპირებდი თუ არა პარლამენტში შესვლად და რა მიზნით , ვუპასუხე, რომ ვაპირებდი, რადგან 2003 წლის არჩევნების შედეგან გავხდი დეპუტატი და 3 თვის განმავლობაში სანამ პროკურორობის გამო უფლებამოსილებას შემიწყვეტდა ხელფასი მქონდა ასაღები და ამ მიზნით ვაპირებდი. მათ მითხრეს, რომ რატომ აპირებდი წინიდან შესვლასო და ვუთხარი, რომ მეგონა ბუღალტერია წინიდან იყო. ბოლოს პასუხი მივიღე რომ ხელფასს არ მოგცემთო" - იხუმრა დაკითხვისას ოქრუაშვილმა.

"გამარჯვებული საქართველოს" ლიდერის თქმით, გამოკითხვაზე ერთადერთი აზრიანი კითხვა შეეხებოდა იმას თუ რას მოიმოქმედებდა თუ კი ხალხი პარლამენტში შევიდოდა.

„ ერთადერთი აზრიანი კითხვა მდგომარეობდა შემდეგში, რას მოვიმოქმედებდი, თუ ხალხი პარლამენტში შევიდოდა. ძალიან მარტივი პასუხია, ხალხს პარლამენტში შევყვებოდი იმის გამო, რომ რაიმე სახის გართულება უფრო მეტი არ მომხდარიყო. შემდეგი მეტნაკლებად იურიდიული, აზრიანი კითხვა იყო ის, რომ იცით თუ არა, რომ პარლამენტში შესვლას სპეციალური ნებართვა სჭირდება. რა თქმა უნდა, ვიცი, რომ პარლამენტში შესვლას სპეციალური ნებართვა სჭირდება. რაიმე სახის მოლაპარაკებები, ან კონსულტაციები, პოლიტიკური მოთხოვნები შეჯერებასთან დაკავშირებით იყო თუ არა, ბუნებრივია, ვუპასუხე, რომ იყო და ერთად შევჯერდით ყველაფერზე. სამი მაღალჩინოსნის გადადგომა იყო ერთად შეჯერებული პოლიტიკოსებს შორის, მეტი განსაკუთრებული არაფერი არ ყოფილა,“- განაცხადა ოქრუაშვილმა.