"რუსთავი 2"-ის თემა ძალიან დიდი ხანია უკვე გასცდა კერძო საკუთრების კუთვნილების თემას"- ლევან კობერიძე ინიციატივით გამოდის

პოლიტიკა - 11:14, 23 Jul, 2019

988

არ არის გამორიცხული, რომ "რუსთავი ორის" საკითხის განხილვამ საკანონმდებლო ორგანოში გადაინაცვლოს.

ტელეკომპანიის დამფუძნებელებს დავით დვალსა და ჯარჯი აქიმიძეს პარლამენტში, ღია ფორმატში შეხვედრა დამოუკიდებელმა დეპუტატმა, ლევან კობერიძემ შესთავაზა. პროცესში ჩართვისთვის მზად არის ოპოზიცია.

"რუსთავი 2"-ის თემა ძალიან დიდი ხანია უკვე გასცდა კერძო საკუთრების კუთვნილების თემას, ამიტომ ძალაინ მნიშვნელოვანია, რომ ისეთ ადგილას, რომელმაც უნდა გამოხატოს საზოგადოების ინტერესი და მაქსიმალური დაცვა მთლიანობაში, იქნება ეს საკუთრების უფლების, ჟურნალისტების, მოსახლეობის ინტერესი, უნდა ხდებოდეს ამის აკუმულირება პარლამენტში. ყველაზე მთავარი არის ის, რომ ამ წუთას არ მოხდეს ისე, რომ ტელევიზია, რომელიც მნიშვნელოვანწილად ხშირ შემთხვევაში იყო "ნაციონალური მოძრაობის" პარტიის ინტერესების გამტარებელი, არ აღმოჩნდეს მეორე პარტიის, "ქართული ოცნების" ინტერესების გამტარებელი,"-აცხადებს, ლევან კობერიძე.

"ნაციონალური მოძრაობის" პოლიტსაბჭოს წევრი ხატია დეკანოიძე ამბობს, რომ მსგავსი ფორმატი სიტყვის თავისუფლებისთვის, დამატებითი დამცავი მექანიზმი იქნება.

"რა უნდა თქვან მათ ახალი, თუ რამეს დაუშვათ იტყვიან ისეთს, რომელიც გამოააშკარავებს საბოლოოდ საქართველოს ხელისუფლებას და ბიძინა ივანიშვილის, როგორც უზურპატორის როლს, შეიძლება რაღაც კონფიგურაციით იქნება სიტყვის თავისუფლების დამცავი მექანიზმი,"-ცხადებს ხატია დეკანოიძე.

"ევროპულ საქართველოში კი განმარტავენ, რომ ისინი ყოველთვის ახერხებდნენ "დისკომფორტის შექმნას" ივანიშვილისთვის და დღევანდელი ხელისუფლებსთვისდა ისინი, ამ ტიპის განხილვებშიაუცილებლად ჩაერთვებიან.

უმრავლესობის გადაწყვეტილება ამ საკითხთან დაკავშირებით ჯერ უცნობია, თუმცა მმართველი გუნდის წევრი, გია ვოლსკი ამბობს, რომ ამ თემაზე უკვე საკმარისად გაკეთდა კომენტარები და შეფასებები და კობერიძის ინიციატივა "პოლიტიკური პერფონმანსია."