ლევან კობერიძე დავით დვალსა და ჯარჯი აქიმიძეს პარლამენტში ღია ფორმატის შეხვედრას სთავაზობს

პოლიტიკა - 18:40, 22 Jul, 2019

936

დეპუტატი ლევან კობერიძე „რუსთავი 2-ის“ საქმეზე დავით დვალსა და ჯარჯი აქიმიძეს პარლამენტში ღია ფორმატის შეხვედრის გამართვას სთავაზობს. ამ ინიციატივის შესახებ დეპუტატმა სოციალურ ქსელში დაწერა:

„- რუსთავი 2 ის საკუთრების დავის თემაზე დავით დვალს და ჯარჯი აქიმიძეს, ჩემს რამდენიმე კოლეგა პარლამენტართან ერთად, ვთავაზობ პარლამენტში ღია ფორმატის შეხვედრის და მსჯელობის გამართვას მედიისა და დაინტერესებული პირების დასწრებით

- ეს თემა დიდი ხანია გასცდა მხოლოდ კერძო საკუთრების კუთვნილების საკითხს და იმავდროულად ძალიან დიდ მნიშვნელობას იძენს ქვეყანაში სამართლიანობის აღდგენის თვალსაზრისით

- მნიშვნელოვანია, რომ ეს საკითხი არ გახდეს პოლიტიკური სპეკულაციის თემა, ამიტომ ამ ორი ადამიანის, (რომლებიც საკუთრების უფლებისათვის ძალიან დიდი ხანია იბრძვიან ) საზოგადოების ინტერესების გამომხატველ სივრცეში - პარლამენტში მოწვევას და მოსმენას აუცილებელად მივიჩნევთ

- დაველოდებით მათ მოსაზრებას მსგავსი ტიპის შეხვედრის შესახებ და პირველადი ინტერესის გამოხატვის შემთხვევაში ოფიციალურად გავუგზავნით მოწვევას.“- წერს კობერიძე.

დეპუტატი არ გამორიცხავს, რომ შემდეგ ეტაზე პარლამენტში შეხვედრაზე ქიბარ ხალვაში და ნიკა გვარამიაც მიიწვიოს.