საზოგადოებრივი საბჭოს შექმნა და დოკუმენტურად გამყარებული სარედაქციო დამოუკიდებლობა - ქიბარ ხალვაშის უარი კურიერისა და P.S-ს გუნდს

პოლიტიკა - 15:22, 21 Jul, 2019

2143

ცოტა ხნის დასრულდა კურიერისა და P.S-ს გუნდის შეხვედრა პაატა სალიასთან. სალიას თქმით, მან გაიარა კონსულტაციები ქიბარ ხალვათან , რომელიც უარს ამბობს შეიქმნას საზოგადოებრივი საბჭო ჟურნალისტების სარედაქციო დამოუკიდებლობის დასაცავად.

"რუსთავი2" - ის ახალი გენერალური დირექტორი ამბობს, რომ ხალვაში ასევე უარს ამბობს რაიმე სახის დოკუმენტის გაფორმებაზე, სადაც არხის ახალი მფლობელი აიღებს ვალდებულებას არხის სარედაქციო დმოუკიდებლობაზე სალია ჟურნალისტებს აძლევს სიტყვას, რომ არანაირი ჩარევა არ მოხდება საინფორმაციო და პოლიტიკური გადაცემების კონტენტში და ჟურნალისტები მას სიტყვაზე უნდა ენდონ.
„წერილობითი გარანტია არ არსებობს და არ არსებობს განსაკუთრებითი იმ ფორმით რა ფორმითაც იყო შემოთავაზებული. ეს ვერ იქნება გარანტია იქიდან გამომდინარე, რომ იგივე სიტყვები რაც იმ პუნქტში წერია, რომ შეიძლება მაღალრეიტინგული გადაცემის რეიტინგის შემცირება გამოიწვიოს და ა.შ. რეიტინგის შემცირება შეიძლება ბევრ ფაქტორზე იყოს დამოკიდებული და მერე ამას შეიძლება 1000 ინტერპრეტაცია მიეცეს. არ არის ეს ის ფორმა, რომელიც ჩვენს შორის უნდა იყოს ნდობის მოსაპოვებლად. ნდობის მოპოვება ერთ დღეში არ ხდება, გავაგრძელებთ მუშაობას და მე ისიც ვუთხარი, რომ თუ რაიმე სიმპტომი იქნება, რომ ვიღაც ცდილობს ჩარევას და ა.შ. ამის შესახებ ჩვენ აუცილებლად უნდა ვისაუბროთ,“-ამბობს პაატა სალია.