იუსტიციის უმაღლესი საბჭოში უზენაესი სასამართლოს მოსამართლეობის კანდიდატთან გასაუბრების პროცესი საბჭოს არამოსამართლე წევრებმა, ანა დოლიძემ და ნაზი ჯანეზაშვილმა პროტესტის ნიშნად დატოვეს.

"საბჭო სრულიად ფორსირებულ რეჟიმში ატარებს გასაუბრებებს და ამით არღვევს საქართველოს კანონმდებლობას და გვართმევს ჩვენი საქმიანობის განხორციელების უფლებას. ეს არის განპირობებული იმით, რომ უნდათ, გასაუბრება ჩაატარონ ზედაპირულად, სასწრაფოდ აგვისტოში წარადგნინონ ეს კანნიდატები და დაამტკიცონ პარლამენტში. ჩვენ დავტოვეთ გასაუბრების ის ეტაპი, რომელიც სცილდება ნორმალურ, საქმიან გარემოს. არ ვფიქრობ, რომ სწორია შუაღამით კანდიდატებთან გასაუბრება. ეს პრაქტიკა ამ შენობაში 2006-2007 წელს იყო, როცა ღამღამობით ატარებდნენ სხდომებს“, - განაცხადა ანა დოლიძემ.

ამის მიუხედავად, გასაუბრების პროცესი საბჭოში გაგრძელდა.ამ წუთებში იუსტიციის უმაღლესი საბჭოს წევრები უზენაესი სასამართლოს მოსამართლეობის კანდიდატს მირანდა ერემაძეს უსმენენ.

გაბინაშვილი სააპელაციო სასამართლოს მოსამართლე და ასევე იუსტიციის უმაღლესი საბჭოს ყოფილი წევრია. გაბინაშვილთან გასაუბრება ხმაურისა და კამათის ფონზე მიმდინარეობდა, მიზეზი კი ის კითხვები გახდა, რომელიც „რუსთავი2“-ის საქმესაც შეეხებოდა.

ნაზი ჯანეზაშვილმა მას ჰკითხა, თუ რატომ არ დაინიშნა „რუსთავი 2“-ის საქმის მოსამართლე, თამაზ ურთმელიძე თბილისის საქალაქო სასამართლოს სამოქალაქო საქმეთა კოლეგიის მოსამართლედ თუ სასამართლოს ტესტი "რუსთავი 2"-ის საქმეზე გადის.