66%-ის აზრით, ქვეყანა არასწორი მიმართულებით ვითარდება, დაკარგულ ტერიტორიებს პრობლემად 7% მიიჩნევს -IRI

პოლიტიკა - 14:41, 19 Jul, 2019

903

საერთაშორისო რესპუბლიკური ინსტიტუტის (IRI) მიერ ჩატარებული კვლევის მიხედვით, რომელიც მათ ვებგვერდზე ოფიციალურად გამოქვეყნდა, კითხვაზე სწორი მიმართულებით ვითარდება ქვეყანა თუ არა 66% მიიჩნევს, რომ ქვეყანა არასწორი მიმართულებით ვითარდება, მსგავსი მაღალი მაჩვენებელი ქვეყნის განვითარების უარყოფითი შეფასებისა იყო 2009 წლის ივნისში 63%, 2016 წლის მარტში ყველაზე მაღალი- 70%, 2017 წლის მარტში -65%, 2018 წლის აპრილში 67%.

ის რომ ქვეყანა სწორი მიმართულებით ვითარდება ამას გამოკიტხულთა მხოლოდ 23% მიიჩნევს. ბოლო 4 წლის განმავლობაში IRI-ის კვლევებში ეს მაჩვენებელი 25%-ზე ზემოთ არ ასულა. ყველაზე მაღალი კი 2004-2005 წლებში 65% და 2012 წელს 63% იყო.

პასუხი არ აქვს/უარი პასუხზე 11%.

აღსანიშნავია ის ფაქტი, რომ გამოკითხვა 20 ივნისის მოვლენებამდეა ჩატარებული.

ქვეყნის მთავარი პრობლემის ათეული ასე გამოიყურება გამოკითხულთა 73% მთავარ პრობლემას უმუშევრობას მიიჩნევს, 34% ეკონომიკას (საარსებო მინიმუმი/მაღალი ფასები), 28% სიღარიბეს, 7% - დაკარგული ტერიტორიები, 9% ეკონომიკა (მთლიანად), 6%-განათლება, 6%- პენსიები. 5%- ჯანდაცვა, 3%- შიდა კონფლიქტები, 3%- საგარეო კონფლიქტები/ომი.

საერთაშორისო რესპუბლიკური ინსტიტუტის (IRI) დაკვეთით საზოგადოებრივი აზრის კვლევა IPM-მა, 20 მაისიდან 11 ივნისის ჩათვლით ჩაატარა. საქართველოს მასშტაბით გამოიკითხა 1500 ადამიანი. კვლევის ცდომილება 2.5 პროცენტს შეადგენს.