"ჭარბი ნდობის მქონე" ბიძინა ივანიშვილი ათეულს მიღმა - IRI -მ პოლიტიკოსების რეიტინგი გამოაქვეყნა

პოლიტიკა - 11:58, 19 Jul, 2019

1427

საერთაშორისო რესპუბლიკური ინსტიტუტის (IRI) მიერ ჩატარებულ კვლევაში პოლიტიკოსების პერსონალურ რეიტინგში პირველ ადგილს „ევროპული საქართველოს“ ერთ-ერთი ლიდერი დავით ბაქრაძე იკავებს. ხუთეული კი ასე გამოიყურება

დავით ბაქრაძე - 59%

კახა კალაძე - 49%

გრიგოლ ვაშაძე - 48%

დავით უსუფაშვილი - 41%

შალვა ნათელაშვილი - 41%

აღსანიშნავია ის ფაქტი, რომ გამოკითხვა 20 ივნისის მოვლენებამდეა ჩატარებული და რეიტინგში 40%-იანი მოწონება აქვს შინაგან საქმეთა მინისტრ გიორგი გახარიას და ის მე-7 ადგილზეა. რეიტინგში მას „სამოქალაქო მოძრაობის“ ლიდერი ალეკო ელისაშვილი უსწრებს.

საქართველოს პრეზიდენტი სალომე ზურაბიშვილი მხოლოდ მეცხრე ადგილზეა 36%-ით, პრემიერი მამუკა ბახტაძე კი მე-8 ადგილზე 38%-ით რაც შეეხება „ქართული ოცნების“ თავმჯდომარეს და ყოფილ პრემიერ-მინისტრ ბიძინა ივანიშვილს ის ათეულის მიღმა, მე-11 ადგილზეა 35%.

რაც შეეხება უარყოფით რეიტინგს ხუთეული ასე გამოიყურება, პირველ ადგილზე აქ ზურაბ გირჩი ჯაფარიძეა ის 73%-ს არ მოწონს, 67%-ს არ მოწონს ზვიად ძიძიგური და 64%-ს ნინო ბურჯანაძე, 62%-ს ირაკლი კობახიძე , 59%-ს ირმა ინაშვილი.

რაც შეეხება ბიძინა ივანიშვილს ის გამოკითხულთა 57%-ს არ მოწონს.

საერთაშორისო რესპუბლიკური ინსტიტუტის (IRI) დაკვეთით საზოგადოებრივი აზრის კვლევა IPM-მა, 20 მაისიდან 11 ივნისის ჩათვლით ჩაატარა. საქართველოს მასშტაბით გამოიკითხა 1500 ადამიანი. კვლევის ცდომილება 2.5 პროცენტს შეადგენს.