"ქართველი ხალხი არ შეეგუება ისეთ საზოგადოებას, სადაც ვერ შეძლებენ გამოხატონ საკუთარი აზრი"

"ქართველი ხალხი არ შეეგუება ისეთ საზოგადოებას, სადაც ვერ შეძლებენ გამოხატონ საკუთარი აზრი" - კურტ ვოკერი "რუსთავი2"-ის საქმეზე

პოლიტიკა - 23:22, 18 Jul, 2019

1537

„რუსთავი 2”-ის ირგვლივ შექმნილ ვითარებას ჯონ მაკკეინის ინსტიტუტის აღმასრულებელი დირექტორი და უკრაინაში შეერთებული შტატების სპეციალური წარმომადგენელი კურტ ვოკერი ეხმაურება.

“კურიერთან“ ინტერვიუში ის აცხადებს, რომ ქართველ ხალხს განსაკუთრებული დამოკიდებულება აქვს თავისუფლების მიმართ და ასეთ ვითარებაში დამოუკიდებელი მედია ვერ გაქრება.

კურტ ვოკერი ასახელებს იმ სამ მთავარ პრინციპს, რომელსაც ქართული დემოკრატიისთვის სასიცოცხლო მნიშვნელობა აქვს - ესენია კანონის უზენაესობის პატივისცემა, დამოუკიდებელი სასამართლოს და თავისუფალი მედიის არსებობა.

„მნიშვნელოვანი რამ, დემოკრატიისთვის არის თავისუფალი და დამოუკიდებელი მედიის არსებობა, ვერ გექნება ის რომ ყველა მედიას ერთი შეხედულება ჰქონდეს. ეს არ არის ჯანსაღი რამ დემოკრატიისთვის. საქართველოს ყველა მოქალაქის ინტერესშია ჰქონდეს დამოუკიდებელი მედია. თუ "რუსთავი2" შეიცვლის სარედაქციო ხაზს ეს არ ვიცით, ეს ერთი საკითხია, მაგრამ მეორე რას გააკეთებს კრიტიკული მხარე და ოპოზიცია იმისთვის, რომ გამოხატოს საკუთარი აზრი საზოგადოებაში.

თუ გადავხედავთ, საქართველოში არსებობს სურვილი ისეთი მედიის, რაც ალტერნატიულ მოსაზრებებს ასახავს. დარწმუნებული ვარ, რაც არ უნდა მოხდეს ამ გადაწყვეტილების შემდეგ, მის სურვილი საქართველოში კვლავ იქნება. ვფიქრობ, ქართველი ხალხი არ შეეგუება ისეთ საზოგადოებას, სადაც ვერ შეძლებენ გამოხატონ საკუთარი აზრი, სხვადასხვა შეხედულება.

არ იქნება ალტერნატიული მედიასაშუალებები, ქართველებს განსაკუთრებული დამოკიდებულება აქვს თავისუფლების დემოკრატიისა და სამართლიანობის მიმართ ვხედავთ ამას აქციებზე. არ არსებობს შესაძლებლობა, რომ ასეთი მედია საქართველოში გაქრება,“-ამბობს ვოკერი.

წყარო: rustavi2.ge