„რუსთავი 2-ის გაჩუმებას ვერ შეძლებენ... ბევრი რუსთავი 2 გაჩნდება და გაგრძელდება მანამ, სანამ ივანიშვილის ხელისუფლება არ დასრულდება“

„რუსთავი 2-ის გაჩუმებას ვერ შეძლებენ... ბევრი რუსთავი 2 გაჩნდება და გაგრძელდება მანამ, სანამ ივანიშვილის ხელისუფლება არ დასრულდება“ - ბაჩუკი ქარდავა

პოლიტიკა - 19:22, 18 Jul, 2019

864

"ეროვნულ-დემოკრატიული" პარტიის ლიდერი, ბაჩუკი ქარდავა დარწმუნებულია, რომ ხელისუფლება ქვეყანაში თავისუფალი სიტყვის ჩახშობას ვერ შეძლებს.

მისი თქმით, თუ კი "რუსთავი 2"-ს გააჩუმებენ, გაჩნდება ახალი "რუსთავი 2" და ეს გაგრძელდება იქამდე სანამ ბიძინა ივანიშვილის ხელისუფლება არ დასრულდება.

"რუსთავი 2" -ის ფაქტობრივად ხალვაშისთვის გადაცემა იმ მიზნისთვის კეთდება, რომ ოპოზიციას და ზოგადად თავისუფალ საზოგადოებას შეეზღუდოს ხმის ამოღება და ხალხი არ იყოს საქმის კურსში თუ რა ხდება ქვეყანაში და რა უბედურებასთან გვაქვს საქმე. რომ არა რუსთავი 2 შეიძლება არ გვცოდნოდა, რომ ფაქტიურად საქართველომ დასავლური ორბიტიდან საკმაოდ ღრმად შეტოპა ჩრდილოურ ორბიტაზე. ივანიშვილი ამ ქვეყანას აბარებს რუსეთს. იმიტომაც არის სინქრონულად იმუშავეს რუსეთმა, საგარეო უწყებამ რუსეთის, ბიძინა ივანიშვილმა. სამწუხაროა, რომ დემოკრატიული სამყაროს ისეთმა ინსტიტუტმა როგორიც არის სტრასბურგის სასამართლო მიიღო ასეთი გადაწყეტილება. საბჭოთა რეჟიმს ქართველი ხალხი ებრძოდა ა4 ფორმატის პროკლამაციებით და ერთგვერდიანი გაზეთებით. და ეს საბჭოთა რეჟიმი დაემხო და დღეს საქართველო დამოუკიდებელი ქვეყანაა. გვიპირებენ უკან შეგვაბრუნონ მაგრამ ვერ მოხერხდება ეს. ივანიშვილი ცდილობს გააჩუმოს რუსთავი 2, თუმცა ის ამას ვერ მიაღწევს, რადგან ბევრი რუსთავი 2 გაჩნდება ქვეყანაში და ეს გაგრძელდება იქამდე, სანამ ბიძინა ივანიშვილის ხელისუფლება არ დასრულდება.“-განაცხადა ბაჩუკი ქარდავამ.