ჩვენ გვყავს კრემლის მარიონეტი ხელისუფლება, რომელმაც დაიწყო თავისუფლების ბასტიონზე შეტევა და ეს არის "რუსთავი 2"

ჩვენ გვყავს კრემლის მარიონეტი ხელისუფლება, რომელმაც დაიწყო თავისუფლების ბასტიონზე შეტევა და ეს არის "რუსთავი 2" - ბაჩუკი ქარდავა

პოლიტიკა - 19:18, 18 Jul, 2019

702

„რუსთავი 2”-ის საქმეზე განვითარებულ მოვლენებს გაერთიანებული ოპოზიციის ერთ-ერთი ლიდერი ბაჩუკი ქარდავა ეხმაურება.

მისი თქმით, ბიძინა ივანიშვილი ჩქარობს, რომ ქვეყანაში დაასრულოს სიტყვის თავისუფლება და დემოკრატია, ამ საქმეში კი მას ზურგს რუსეთი უმაგრებს.

„ივანიშვილის რეჟიმი ჩქარობს საბოლოოდ დაასრულოს ქვეყანაში დემოკრატია და სიტყვის თავისუფლება. ამ საქმეში ივანიშვილი არ არის მარტო მას ზურგს უმაგრებს რუსეთი. შეიძლება თამამად ითქვას, რომ ქართველი ხალხი კარგავს არა მხოლოდ „რუსთავი2“-ს არამედ საქართველოს და მის თავისუფლებას. გავიხსენოთ ლავროვის გუშინდელი განცხადებები პირდაპირი მუქარა „რუსთავი-„2 თან დაკავშირებით და პროდასავლური, დემოკრატიული ოპოზიციის წინააღმდეგ გამოთქმული პოზიცია რუსეთის, რაც მან გაახმოვანა და ამაზე ბიძინა ივანიშვილის რეაქცია. დავასკვნათ აქედან რომ ჩვენ გვყავს კრემლის მარიონეტი ხელისუფლება საქართველოში, რომელიც ჩამოყალიბდა ივანიშვილის რეჟიმის სახით და მან დაიწყო თავისუფლების ბასტიონზე შეტევა, ეს არის "რუსთავი2". ისინი გადასული არიან შტურმზე. ისინი შეეცდებიან გააჩუმონ რუსთავი2.

ბაჩუკი ქარდავას განცხადებით, ივანიშვილმა მიიღო გზავნილი რუსეთიდან და ეს გზავნილი სისრულეში მოიყვანა.

იმ პირობებში რაც გამოიკვეთა ტანდემში , ივანიშვილი და რუსეთი ერთად მუშაობენ საქართველოში „რუსთავი2“ - ის წინააღმდეგ, ამის შემდეგ გვაქვს მოლოდი, რომ არ ყოფილიყო სტრასბურგის ეს გადაწყვეტილება . ამ ვითარებაში აღსრულების შეჩერების მექანიზმი რომ ყოფილიყო დარჩენილი არ მჯერა, რომ ივანიშვილი თავს შეიკავებდა. მან მიიღო გზავნილი რუსეთიდან. ის აუცილებლად ამ გზავნილის რეალიზაციას მოახდენდა.

ისინი გადასული არიან აქტიურ შტურმზე, ისინი ცდილობენ რაც შეიძლება მალე გააჩუმონ "რუსთავი2, თუმცა ის ამას ვერ მიაღწევს, რადგან ბევრი რუსთავი 2 გაჩნდება ქვეყანაში და ეს გაგრძელდება იქამდე, სანამ ბიძინა ივანიშვილის ხელისუფლება არ დასრულდება. შეგახსენებთ, რომ პროკლამაციებით დაემხო გაცილებით დიდი რეჟიმი - საბჭოთა კავშირი, ივანიშვილი მასთან მოსატანიც კი არ არის და მისი რეჟიმის დასრულების დროც მალე დადგება საქართველოში.“ - აცხადებს ბაჩუკი ქარდავა.