ჰქონდა თუ არა გავლენა რუსეთს და ივანიშვილს სტრასბურგის გადაწყვეტილებაზე- "ჩემთვის წარმოუდგენელია ამ გზით დასავლური ფასეულობების ბასტიონის დახურვა"

პოლიტიკა - 14:37, 18 Jul, 2019

1538

ნიკა გვარამია გამორიცხავს, რომ "რუსთავი 2"-ის საქმეზე სტრასბურგის სასამართლოს გადაწყვეტილებაზე შესაძლოა გავლენა იქონია რუსეთმა და ივანიშვილმა - ეს განცხადება "რუსთავი 2"-ის გენერალურმა დირექტორმა, ნიკა გვარამიამ საგანგებო ბრიფინგზე ერთ-ერთი ჟურნალისტის კითხვის პასუხად გააკეთა, რომელმაც იკითხა, "შესაძლოა თუ არა გადაწყვეტილების მიღების დროს, ადგილი ჰქონოდა მოსყიდვას, ფულს, რუსეთის გავლენებს და ივანიშვილის ფაქტორს."

ნიკა გვარამიას განცხადებით ის დავაშიც კი არ შევა არავისთან ამ საკითხზე, რადგან მსგავსი რამ არის გამორიცხული.

„აბსოლუტურად გამოვრიცხავ, ჩემთვის წარმოუდგენელია, დასავლური ცივილიზაციის მიერ განზრახ და ამ საშინელი გზების გამოყენებით მითუმეტეს, ამ ქვეყანაში დასავლური ფასეულობების მთავარი ბასტიონის დახურვა. მე მიმაჩნია, რომ ეს გადაწყვეტილება არის წარმოუდგენელი გაუგებრობა, მითუმეტეს წინა გადაწყვეტილების ფონზე, მაგრამ ეს, რაც თქვენ მითხარით, მე მთელი ჩემი ცხოვრება ვემსახურები დასავლურ ფასეულობებს, ორი წელია ვიძახი რომ "რუსთავი 2" სტრასბურგის სასამართლომ გადაარჩინა და ეს მართლა ასეა. ვერავის ამ საკითხის განსჯაშიც კი ვერ შევყვები, გამორიცხული ამბავია,“-განაცხდაა ნიკა გვარამიამ.