"ხელისუფლებამ ბოროტად არ უნდა გამოიყენოს ეს გადაწყვეტილება, დაელოდონ გასაჩივრების პროცესის დასრულებას"- სალომე სამადაშვილი

პოლიტიკა - 14:28, 18 Jul, 2019

893

სტრასბურგის სასამართლოს გადაწყვეტილებას "რუსთავი 2"-ის საქმეზე - "ნაციონალური მოძრაობის" წევრის, სალომე სამადაშვილი იმედგაცრუებას უწოდებს. მისი თქმით, ახლა მთავარია, რომ ხელისუფლება დაელოდოს სამართლებრივი ბრძოლის დასრულებას და ეს გადაწყვეტილება ბოროტად არ გამოიყენოს.

„ჩვენ ახლა ვართ ძალიან სენსიტიურ გარემოში, გველოდება არჩევნები და ყველანაირი მცდელობა ხელისუფლების მხრიდან, იმიტომ რომ რეალურად მხარე იყო ხელისუფლება და ეს აღიარეს კიდეც უმრავლესობის ლიდერებმა, როდესაც თქვეს, რომ სახელმწიფომ გაიმარჯვა, ახლა მათ ბოროტად არ გამოიყენონ ეს გადაწყვეტილება და შესაბამისად მისცენ შესაძლებლობა მხარეს, ამ შემთხვევაში "რუსთავი 2"-ის ამჟამინდელ მფლობელებს, რომ ბოლომდე მიიყვანონ სამართლებრივი პროცესი,“-განაცხადა სალომე სამადაშვილმა.

სალომე სამადაშვილი ხელისუფლებას მოუწოდებს თავი შეიკავოს იმ მცდელობისგან, რომ ფორსირებულ რეჟიმში დაარტყმა მიაყენოს არხს.

„ეს ყველაფერი ჩემი აზრით გამოიღებს ორ შედეგს, რომ ქვეყანაში პოლიტიკური კრიზისი გამწვავდება და ეს უნდა ესმოდეს ყველას და პირველ რიგში უნდა ესმოდეს ხელისუფლებას. და მეორე, არ უნდა დაგვავიწყდეს, რომ აქ სასამართლო დავა შეეხებოდა კონკრეტულად საკუთრების უფლებებს. პოლიტიკური კონტექსტის განხილვაში არ შესულა და ვერც შევიდოდა სტრასბურგის სასამართლო და შესაბამისად ხელისუფლებას უნდა ესმოდეს რომ ამ გადაწყვეტილების პოლიტიკური მიზნებისთვის გამოყენება უკვე ჩვენ მოგვცემს შესაძლებლობას რომ მათშორის საერთაშორისო კონტექსტშიც ძალიან ნათლად იყოს შეფასებული თუ როგორ იყენებს სტრასბურგის გადაწყვეტილებას ხელისუფლება საკუთარი პოლიტიკური მიზნებისთვის. დაელოდონ გასაჩივრების პროცესის დასრულებას,“-განაცახადა სალომე სამადაშვილმა.

რაც შეეხება ქიბარ ხალვაშის განცხადებას, რომ თანამდებობას "რუსთავი 2"-ში დატოვებს მხოლოდ ნიკა გვარამია, სალომე სამადაშვილი აცხადებს, რომ ხელისუფლება მთავარ მოწინააღმდეგედ სწორედ ნიკა გვარამიას განიხილავს.