"ქიბარ ხალვაში და მისი კომპანია გადაწყვეტს, როდის აღსრულდება შეჩერების შესახებ გადაწყვეტილება"

"ქიბარ ხალვაში და მისი კომპანია გადაწყვეტს, როდის აღსრულდება შეჩერების შესახებ გადაწყვეტილება" - იუსტიციის მინისტრი

პოლიტიკა - 13:18, 18 Jul, 2019

1058

იუსტიციის მინისტრი, რომელიც ცოტა ხნის წინ, "რუსთავი 2"-ის საქმეზე, სტრასბურგის სასამართლოს გადაწყვეტილებას საგანგებო ბრიფინგით გამოეხმაურა, ამბობს რომ, ახალი მესაკუთრე გადაწყვეტს, როდის შევა ძალაში აღსრულება.

თეა წულუკიანის განცხადებით, მხარეებს მხოლოდ საქმის არსებითი ნაწილის, დიდპალატაში გასაჩივრების უფლება აქვთ, რომელზეც სტრასბურგის სასამართლოში გადაწყვეტილება 6 ხმით ერთის წინააღმდეგ არის მიღებული.

"გადაწყვეტილება, როგორც შეჩერების, ასევე შეჩერების მოხსნის არ ექვემდებარება გასაჩივრებას. ის დღეიდან არის ძალაში. ჩვენ მხარეები, თუკი რამეს გავასაჩივრებთ, ეს იქნება მხოლოდ და მხოლოდ ექვსი ხმით ერთის წინააღმდეგ მიღებული გადაწყვეტილება, რომელიც არსებითი გადაწყვეტილებაა. სხვა აქ სადაო არაფერი ჩანს.

"მხარე ასაჩივრებს ამისთვის აქვს ექვსი თვის ვადა, თუმცა დიდი პალატის მიერ გასაჩივრებული საქმის განხილვა ავტომატური არ არის, შუაში არსებობს ფილტრაციის კოლეგია, რომელიც ან დაუშვებს საქმეს განსახილველად, დიდ პალატაში ან არ დაუშვებს, გახსოვთ რომ ასე გავასაჩივრეთ პალატის გადაწყვეტილება საქმეზე ვანო მერაბიშვილის საქმეზე.

"სახელმწიფოს გადასაწყვეტი არ არის როდის შეიძლება შეჩერების შესახებ მოხსნის გადაწყვეტილება აღსრულდეს, ეს მთლიანად არის დამოკიდებული იმ მესაკუთრეზე ტელეკომპანიისა, რომელიც უზენაესი სასამართლოს 2 მარტის გადაწყვეტილებით არის ქიბარ ხალვაში და მისი კომპანია, ამასთან დაკავშირებით ევროპულმა სასამართლო ერთხმად თქვა, რომ საკუთრების უფლება არ დარღვეულა, სამართლიანი სასამართლოს გადაწყვეტილება არ დარღვეულა. უკვე ახალ მესაკუთრეს, ვინაიდან შეჩერება მოხსნილია, აქვს გადაწყვეტილების თავისუფლება, რომელსაც ალბათ თავად გვეტყვის როგორია ის,"-განაცხადა წულუკიანმა საგანგებო ბრიფინგზე.