ოკუპირებული აფხაზეთის დე ფაქტო საპრეზიდენტო არჩევნებისთვის საარჩევნო უბნები მოსკოვში, ჩერკესკში და სტამბოლში გაიხსნება

პოლიტიკა - 11:28, 18 Jul, 2019

948

აფხაზეთის საოკუპაციო რეჟიმის ინფორმაციით, დე ფაქტო საპრეზიდენტო არჩევნებისთვის საარჩევნო უბნები, ოკუპირებული ტერიტორიის გარდა კიდევ სამ ქალაქში - მოსკოვში, ჩერკესკში და სტამბოლში გაიხსნება. ეს უბნები სოხუმის #6 საარჩევნო ოლქის დაქვემდებარებაშ იქნებია.

საოკუპაციო რეჟიმის მოქმედი კანონმდებლობით, „აფხაზეთის საზღვრებს გარეთ შექმნილი უბნების საარჩევნო კომისიები, მტკიცდება ცესკოს მიერ არჩევნებამდე 30 დღით ადრე, საზღვარგარეთის ქვეყნებში რესპუბლიკის დიპლომატიური ან სრულუფლებიანი წარმომადგენლის წარდგინებით.“

16 ივლისს საოკუპაციო რეჟიმის ცესკომ დაასრულა დოკუმენტების მიღება, საინიციატივო და პოლიტიკური პარტიების წარმომადგენლების მიერ წარდგენილი კანდიდატების რეგისტრაცია არა უგვიანეს 26 ივლისს დასრულდება.

საოკუპაციო რეჟიმის ცესკომ რეგისტრაციაში გაატარა საინიციატივო ჯგუფების მიერ წარდგენილი კანდიდატები ალმას ჯაპუა, ასტამურ ტარბა, ასტამურ კაკალია, ასტამურ ოტირბა, შამილ აძინბა, არტურ ანქვაბი, ოლეგ არშბა, რაულ ხაჯიმბა და ასლან ბჟანია, ასევე დარეგისტრირებლია სამი პოლიტიკური პარტია -„აკზაარა“, „ედინაია აბხაზია“ და „ამცახარა“.

აფხაზეთის საოკუპაციო რეჟიმის დე ფაქტო საპრეზიდენტო არჩევნები 25 აგვისტოს არის დაგეგმილი.