კარასინი საქართველოს 3 პირობას უყენებს და უმაღლეს დონზე მოლაპარაკებების დაწყების შესაძლებლობაზე საუბრობს

პოლიტიკა - 10:17, 18 Jul, 2019

9197

რუსეთის საგარეო საქმეთა მინისტრის მოადგილე გრიგორი კარასინი „იზვესტიასთან“ ინტერვიუში აცხადებს, რომ რუსეთი ისევ განიხილავს საქართველოს მოქალაქეებისთვის სავიზო რეჟიმის გაუქმების შესაძლებლობას. მისი თქმით, მოსკოვი დაინტერესებულის თბილისთან ურთიერთობის ნორმალიზაციით და უმაღლეს დონზე მოლაპარაკებებისთვისაც კი მხადაა:

„საქართველოსთან სავიზო რეჟიმის გაუქმების საკითხი რუსეთის ხელისუფლების თვალთახედვის არეშია. ვფიქრობ, რომ თბილისის რეალური ნაბიჯები, რომელიც მიმართული იქნება ჩვენ ქვეყანასთან ურთიერთობის ნორმალიზაციისკენ, ამ საკითხს ორმხრივ დღის წესრიგში დააბრუნებს.“- განაცხადა კარასინმა.

კარასინმა ასევე გამოთქვა იმედი, რომ საქართველოს ხელისუფლება გამოიჩენს ჯანსაღ აზრს და შეასრულებს სამ პირობას ქვეყანაში ავიამიმოსვლის აღსადგენად:

„პირობები მკვეთრად გამოხატულია: საქართველოში სიტუაციის სტაბილიზაცია, რუსოფობიის კამპანიის დასრულება და ჩვენი მოქალაქეების უსაფრთხოებისთვის შექმნილი პრობლემების აღმოფხვრა. ეს სრულად ჩამოყალიბებული და ადეკვატური რეაქციაა.“- განაცხადა კარასინმა.

"Известия"-ს ცნობით, საქართველოს პარლამენტში გამოცემას განუცხადეს, რომ კარგად აცნობიერებენ ორმხრივი ურთიერთობების ნორმალიზებისთვის ანტირუსული განწყობის შემცირების აუცილებლობას.