ოკუპირებულ ცხინვალში 4 პირი საქართველოს სასარგებლოდ ჯაშუშობის ბრალდებით დააკავეს

პოლიტიკა - 17:10, 17 Jul, 2019

961

ცხინვალის საოკუპაციო რეჟიმის დე ფაქტო პრეზიდენტის ადმინისტრაციის ყოფილი წარმომადგენელი სერგეი ლიპინი და მისი მეუღლე ნანული ჭულუხიძე საქართველოს სასარგებლოდ ჯაშუშობის ბრალდებით დააკავეს. ანალოგიური ბრალდებით დაკავებულეი არიან ცხინვალში კომპიუტერული სერვისცენტრის მფლობელი ძმები ქრისტოფორ და რუდოლფ თადეევები. საოკუპაციო რეჟიმის მედიის ინფორმაციით, მათ ბრალი ედებათ ხელისუფლების ორგანოების შესახებ საიდუმლო ინფორმაციის ასევე სამხრეთ ოსეთის მოქალაქეების პირადი ინფორმაციის უკანონო მოპოვებასა და ქართული სპეცსამსახურებისთვის გადაცემაში.

„ეხო კავკაზას“ კორესპონდენტი ცხინვალიდან იუწყება, რომ სამხრეთ ოსეთის უშიშროების კომიტეტის განმარტებით:

- ლიპინმა აღიარა, რომ ქართულმა სპეცსამსახურებმა ის 2006 წელს გადაიბირეს, სოფელ ერედვში, სადაც ის მეუღლის ნათესავებთან იყო ჩასული;

- ლიპინს, როგორც სამხრეთ ოსეთის რესპუბლიკის ხელისუფლებასთან და ძალოვან სტრუქტურებთან დაახლოებულ პირს, ხელი მიუწვდებოდა სახელმწიფო საიდუმლოების შემცველ მასალებზე, რასაც აგზავნიდა საქართველოში;

- საქართველოს სპეცსამსახურების დავალებას ლიპინი ასრულებდა სამხრეთ ოსეთის სახელისუფლებო სტრუქტურებში სხვადასხვა პოზიციაზე მუშაობისა და საზოგადოებრივ ორგანიზაცია „როსსი“-ში (РОССЫ) საქმიანობის პარალელურად;

- ლიპინმა აღიარა, რომ ხანდახან ჯაშუშობას ეწეოდა საკუთარი ინიციატივითაც, კურატორების მხრიდან მოთხოვნის გარეშე.

რაც შეეხება ძმებს - ქრისტოფორ და გიორგი თედეევებს, სამხრეთ ოსეთის უშიშროების კომიტეტის ინფორმაციით, მათ პირადი კონტაქტები ჰქონდათ სერგეი ლიპინთან.

- „ქრისტოფორ თედეევი დაკავებული იყო სამსახურეობრივი კომპიუტერების რემონტითა და მომსახურებით ძალიან ბევრ დაწესებულებასა და უწყებაში. მას ჰქონდა წვდომა სახელმწიფო საიდუმლოების შემცველ ცნობებთან“,