"ივანიშვილის შიშს ფართო თვალები აქვს... წარმოუდგენელია ჩვენ ყოფნა ივანიშვილის კოალიციაში"- ირაკლი აბესაძე

პოლიტიკა - 15:09, 17 Jul, 2019

868

"ევროპული საქართველოში" წარმოუდგენელს უწოდებენ მათი მხრიდან ივანიშვილთან რაიმე სახის კოალიციაში ყოფნას.
ირაკლი აბესაძეს ამის მაგალითად, გავრილოვის სისხლიანი ღამე მოჰყავს. მისი თქმით, ივანიშვილმა საზოგადოებას გმირად შესთავაზა გიორგი გახარია, რომელმაც "ახალგაზრდებს თვალები დასთხარა".
"როგორც ჩანს, ივანიშვილის შიშს ფართო თველები აქვს. ის რა თქმა უნდა, ხვდება, რომ მისი ხელისუფლება დასასრულს უახლოვდება. წარმოუდგენელია, "ევროპულმა საქართველომ" და რომელიმე პროევროპულმა ოპოზიციამ საკუთარი თავი კოალიციაში დაინახოს ივანიშვილთან და "ქართულ ოცნებასთან", არა მხოლოდ იმ გასული 7 წლის გამო, რომლის განმავლობაშიც ეს ქვეყანა ძალიან მძიმე პოლიტიკურ, ეკონომიკურ ჩიხში შეიყვანა, არამედ მიმდინარე პროცესების გამო, როდესაც ის გმირად სთავაზობს საზოგადოებას გახარიას, რომელმაც ახალგაზრდებს თვალი დასთხარა, გმირად სთავაზობს საზოგადოებას მურუსიძეს და სასამართლოს კლანს, რომელმაც დაასამარეს მართლმსაჯულება ქვეყანაში და მთლიანად მოწოდებულია საკუთარი პირადი ეკონომიკური თუ პოლიტიკური ინტერესების რეალიზაციაზე ქვეყტანაში. ასე რომ კოალიციაში ყოფნა წარმოუდგენელია"- განაცხადა ირაკლი აბესაძემ.

ბიძინა ივანიშვილი ფაქტობრივად ადასტურებს, რომ 2020 წლისთვის "ქართულ ოცნებას" უმრავლესობის მოპოვება გაუჭირდება.

ივანიშვილი ამბობს, იმასაც რომ 2020 წლის არჩევნების შემდეგ, არ არის გამორიცხული შეიქმნას კოალიციური მთავრობა.

ჟურმალისტებმა "ქართული ოცნების" თავმჯდომარეს ჰკითხეს, გამორიცხავს თუ არა პოლიტიკურ პარტიებთან თანამშრომლობას, რაზეც ივანიშვილმა თქვა, რომ ენმ-ს გარდა, ყველასთან თანამშრომლობა შეიძლება.