„ივანიშვილმა იცის, რომ მისი პრობლემა ოპოზიციის გაერთიანებაა, მაგრამ ოლიგარქის განცხადებები კონსოლიდაციას ვერ შეაჩერებს“

„ივანიშვილმა იცის, რომ მისი პრობლემა ოპოზიციის გაერთიანებაა, მაგრამ ოლიგარქის განცხადებები კონსოლიდაციას ვერ შეაჩერებს“ - ბაჩუკი ქარდავა

პოლიტიკა - 15:38, 17 Jul, 2019

673

განხეთქილების ჩაგდების მცდელობა ოპოზიციაში თუ პრორუსული ძალებთან გაერთიანებისთვის ნიადაგის მომზადება - "ქართული ოცნების" თავმჯდომარის განცხადებას იმის შესახებ, რომ ის "ნაციონალური მოძარაობის" გარდა ყველა პარტიასთან ითანამშრომლებს, გაერთიანებული ოპოზიციის ერთ-ერთი ლიდერი ბაჩუკი ქარდავა ეხმაურება.
ედპ-ს ლიდერი დარწმუნებულია, რომ ივანიშვილი ოპოზიციის კონსოლიდაციას ხელს ვერ შეუშლის, რადგან რეალური ოპოზიცია შეთანხმებულია ხელისუფლებიდან ივანიშვილის გუნდის გაშვებაზე.

"პირობითად, თუ შეიძლება ასე ვთქვათ, დღეს ოპოზიცია გაყოფილია შემდეგნაირად. რეალურად, ძალიან დიდი და სოლიდური ოპოზიციის ნაწილი ჩამოყალიბებულია და უპირობოდ აყენებენ უახლოეს პერიოდში, არჩევნებში ივანიშვილის შეცვლის აუცილებლებლობას. არიან ძალები, რომლებსაც ეს აუცილებლობა არ უდგათ დღის წესრიგში და მიაჩნიათ, რომ ბიძინა ივანიშვილის ორბიტაზე კიდევ შეძლებენ, რაღაც მოძოვონ. ასე, რომ, რა განცხადებაც არ უნდა გააკეთოს ბიძინა ივანიშვილმა, კვლევები და ბოლო დროინდელი პოლიტიკური პროცესები გვიჩვენებს, რომ მისი ხელისუფლება დასრულებულია. იქნება ეს დღეს თუ ხვალ, 2020-ის არჩევნებში, ეს ხელისუფლება არის დასრულებული. ივანიშვილმა იცის, ვინ არის მისი მთავარი სამიზნე და ამიტომაც აკეთებს მინიშნებას სწორი მიმართულებით. ვერცერთ შემთხვევაში რეალურ ოპოზიციური ძალების კონსოლიდაციას მსგავსი განცხადებები ხელს ვერ შეუშლის. ალბათ ივანიშვილს ახლა სხვა ამოცანები აქვს, დარაზმოს და მობილიზება მოახდინოს საკუთარი მხარდამჭერებისა და აქტივის, რომელსაც წარმატებით ვერ ასრულებს"- თქვა ქარდავამ.