პრეზიდენტის ვიზიტი მიუნჰენში - დაგემილ 2 ღონისძიებაზე სტუდენტებს დასწრების საშუალება არ მიეცათ

პოლიტიკა - 20:39, 16 Jul, 2019

785

მიუნჰენში საქართველოს პრეზიდეტსა და სტუდენტებს შორის დაგეგმილ შეხვედრებზე ინფორმაცია ვრცელდება. გერმანიაში ქართული სათვისტომოს "ფეისბუქ" გვერდზე წერენ, რომ 14 ივლისს მწვავე დისკუსიის შემდეგ ახალგაზრდებს შეხვედრებზე დასწრების უფლება არ მისცეს. კერძოდ, 15 ივლისს დაგეგმილი იყო 2 ღონისძიება, რომლებსაც სტუდენტები უნდა დასწრებოდნენ.

მოგვიანებით კი საქართველოს ახალგაზრდა ელჩმა გერმანიაში, ირინე ჩიხლაძემ გაავრცელა ინფორმაცია, რომ ორივე ღონისძიება დაიხურა, ამ გარემოებამ კი სტუდენტების უკმაყოფილება გამოიწვია, რადგან რამდენიმე მათგანმა სპეციალურად ამ ღონისძიებისთვის სამსახურიდან თავი გაითავისუფლა. მეორე დრეს კი ცნობილი გახდა, რომ ახალგაზრდებს შეეძლოთ დასწრებოდნენ ღონისძიებას. დამატებითი განმარტებები კი ირინა ჩიხლაძის მხრიდან აღარ გაკეთებულა. თავად ირინე ჩიხლაძე კი ამ ღონისძიებას დაესწრო, როგორც თვითონ ამბობს, მხოლოდ 10 წუთი.

სტუდენტებმა ახალგაზრდა ელჩს კატეგორიულად მოსთხოვეს პრეზიდენტის ადმინისტრაციიდან კონკრეტული პიროვნების დასახელება, რომელმაც მიაწოდა მას არასწორი ინფორმაცია და შეიყვანა შეცდომაში. მის ვინაობას კი ირინე ჩიხლაძე არ ამხელს, ის მხოლოდ მიმოწერას ასაჯაროებს.

"როგორც მოგეხსენებათ 14 ივლისს ქალბატონ სალომე ზურაბიშვილის შეხვედრამ ქართველ სტუდენტებთან მიუნხენში მწვავე დისკუსიის ფონზე ჩაიარა. 15 ივლისს დაგეგმილი იყო ევრო ბასკეტის მასპინძლის შერჩევისადმი მიძღვნილი 2 ღონისიძიება, რომელებსაც აღნიშნული სტუდენტები საქართველოს დელეგაციის წევრების რანგში უნდა დასწრებოდნენ. 15 ივლისის, დაახლობით 11 საათზე საქართველოს ახალგაზრდა ელჩმა გერმანიაში, ქალბატონმა ირინე ჩიხლაძემ მიაწოდა საზოგადოებას ინფორმაცია, რომ ორივე ღონისძიება დაიხურა და სტუდენტებს მასზე დასწრების საშუალება აღარ ექნებოდათ, რის დასადასტურებლადაც აღნიშნულმა ქალბატონმა სტუდენტების ჯგუფში ფეისბუზე გააზიარა ინფორმაციის ეგრეთ წოდებული სქრინშოტი. აღნიშნულმა გარემოებამ გამოიწვია სტუდენტების უკმაყოფილება, რადგან რამდენიმე მათგანმა სპეციალურად ამ ღონისძიებისთვის სამსახურიდან თავი გაინთავისუფლა.

16 ივლისს გავრცელდა ინფორმაცია, რომ 15 ივლისს 16.30 წუთზე სასტუმრო ბაირიშე ჰოფში მისულ პიროვნებებს, რომლებსაც ჰქონდათ ღონისძიებაზე დასწრების სურვილი, ჰქონდათ ასევე თავისუფლად შესვლის შესაძლებლობა და არ იყო აღნიშნული ღონისძიება დახურული. აღსანიშნავია რომ თითონ ქალბატონი ირინე დაესწრო ამ ღონისძიებას, როგორვ თითონ აღნიშნა მხოლოდ 10 წუთი. სტუდენტებისთვის კი მას არ მიუწოდებია ინფორმაცია იმ მოტივით, რომ ღონისძიება მალევე მორჩებოდა და “აზრი არ ჰქონდა.”

სტუდენტებმა ქალბატონ ახალგაზრდა ელჩს კატეგორიულად მოსთხოვეს პრეზიდენტის ადმინისტრაციიდან კონკრეტული პიროვნების დასახელება, რომელმაც მიაწოდა მას, როგორც თითონ აღნიშნა, არასწორი იფორმაცია და შეიყვანა შეცდომაში. ქალბატონი ირინე კატეგორიულად არ ამხელს ამ თანამშრომლის ვინაობას და გვაჩვენებს მხოლოდ სქრინშოტს სახელის და გვარის გარეშე.

ეს იყო 14 ივლისს გამართულ დიასკუსიაზე ყველა კრიტიკულ კითხვაზე პასუხი ადმინიატრაციის მხრიდან. ტექნიკური ჩახსნა მეორე დღის ღონისძიებიდან იმ ხალხის ვინც მწვავე კითხვა დასვა" - აღნიშნულია "ფეისბუქ" გვერდზე.