"გახარია შს მინისტრი უკვე აღარ არის, მიუხედავად იმისა, რომელ კაბინეტში შედის დილაობით"

"გახარია შს მინისტრი უკვე აღარ არის, მიუხედავად იმისა, რომელ კაბინეტში შედის დილაობით" - გრიგოლ ვაშაძე

პოლიტიკა - 19:12, 16 Jul, 2019

768

გაერთიანებული ოპოზიციის ”ძალა ერთობაშია” ლიდერი გრიგოლ ვაშაძე, შს მინისტრის მოადგილის Ipn-ისთვის მიცემულ ინტერვიუს ეხმაურება, სადაც საბანაძემ განაცხადა, რომ 20 ივნისის ღამეს აქციის დაშლასთან დაკავშირებით მოქალაქეები საქმის კურსში არ ჩააყენეს. კახაბერ საბანაძის აღნიშნული განცხადება ეწინააღმდეგება შს მინისტრის სატელევიზიო ინტერვიუს, სადაც გახარიამ თქვა, რომ მომიტინგეები 4-ჯერ გააფრთხილეს.
ვაშაძის თქმით,გახარია შს მინისტრი უკვე აღარ არის, მიუხედავად იმისა, რომელ კაბინეტში შედის დილაობით.

„შს მინისტრი მერამდენედ უკვე უტიფრად იტყუება, რასაც მისივე მოადგილის განცხადება ამტკიცებს და ერთი რამ უნდა შეიგნოს ამ ხელისუფლებამ, რომ 20-21 ივნისის ტრაგედია და ის ბავშვები, ვინც ჯანმრთელობა დაკარგა ამ პროტესტის დროს, არის წყალგამყოფი. „ძველებურად“ პოლიტიკით დაკავება უკვე აღარ გამოვა, ეს ქვეყანა, ეს სახელმწიფო 20-21 ივნისს რადიკალურად შეიცვალა.

„საქართველოს მოქალაქე გახარიას ამ პოსტზე ყოფნას არასოდეს არ შეურიგდება და ეს დროის საკითხია, რაც მალე მოხდება მისი პოლიტიკური, მორალური პასუხისმგებლობის ატვირთვა, მით უკეთესი იქნება. გახარია შს მინისტრი უკვე აღარ არის, მიუხედავად იმისა, რომელ კაბინეტში შედის დილაობით,“ - განაცხადა ვაშაძემ.