„ვუყურებ ზოგიერთს და ვფიქრობ, რამდენი ბიკი ყუფარია დაიარება... მეც ცუდი ვარ, გახარიაც... მარტო თვითონაა ბაჯაღლო ოქრო“

„ვუყურებ ზოგიერთს და ვფიქრობ, რამდენი ბიკი ყუფარია დაიარება... მეც ცუდი ვარ, გახარიაც... მარტო თვითონაა ბაჯაღლო ოქრო“ - ნიკა მელია

პოლიტიკა - 17:59, 16 Jul, 2019

2577

ზოგიერთს ვუყურებ.... რამდენი ბიკი ყუფარია დაიარება - ამის შესახებ გაერთიანებული ოპოზიციის ლიდერი ნიკა მელია ფეისბუქის გვერდზე წერს და ჭაბუა ამირეჯიბის რომანის „დათა თუთაშხიას“ ცნობილი პერსონაჟის მონოლოგს აქვეყნებს.

„ფიქრისთვის საკმაოდ მაქვს დრო და დაკვირვებისთვისაც.

ჰოდა, ვუყურებ ზოგიერთს და ვფიქრობ, რამდენი ბიკი ყუფარია დაიარება. ზოგი ასე პირდაპირ ყუფარიასავით ყველა მხარესთან იმისიანია და კარგს ელაპარაკება და ზოგიც უკუღმა ბიკი ყუფარიაა, მას რომ უსმინო, მეც ცუდი ვარ, გახარიაც ცუდია და მარტო თვითონაა ბაჯაღლო ოქრო

( „დათა თუთაშხია”, პირველი სერია).

“შვილო, რომ დაინახო ორი კაცი ერთმანეთზე მოსაკლავად იწევდეს, დააცადე, არ ჩაერიო შენ, თუ ერთმა მოკლა მეორე,მიდი სატირალში, შეეწიე ოჯახს და იტირე შენცო. ახლა იმ მეორე კაცსაც სასამართლოზე რომ გაიყვანენ, მიდი იქაც და ისე ილაპარაკე, ვითომ მთლად მისი ბრალი არ იყო ის ამბავი და მისი ბრალიც რომ იყო, ისე. მიუსჯიან ციხეს, მიდი ოჯახში, მიუსამძიმრე, მათაც შეეწიე რამე” ასეთი კაცი იყო მამაჩემი ბიკი ყუფარია” - წერს ნიკა მელია.