გახარია გუნდის ხერხემალი თუ თავის ტკივილი - ბახტაძე ამბობს, რომ "ოცნებაში" სკამს არავინ გამოეკიდება

პოლიტიკა - 17:47, 16 Jul, 2019

1195

მთავრობის ადმინისტრაციაში პრემნიერ-მინისტრის ბრიფინგს 20 ივნისის სისხლიანი ღამისა და შინაგან საქმეთა მინისტრის პასუხისმგებებლობის შესახებ დასმული კითხვის გარეშე არც დღეს ჩაუვლია.

შს მინისტრი გუნდის ხერხემალია თუ თქვენი თავის ტკივილი? - ჰკითხა მედიის წარმომადგენელმა მთავრობის მეთაურს, რაზეც ბახტაძემთქვა, რომ გიორგი გახარია „სკამზე გამოკიდებული“ არ არის.

"გიორგი არის ჩვენი გუნდის წევრი და კონტექსტი თქვენი კითხვის არის სრულიად არარელევანტური. თქვენ ვერ დაასახელებთ ვერცერთ ადამიანს ჩვენს გუნდში, რომელიც თავის სკამს გამოეკიდება, ასეთი ფიზიკურად არ არსებობს. მაგრამ, რასაც უპასუხისმგებლო ოპოზიცია ითხოვს, ეს არის სრულიად მიუღებელი. ანუ ამბობენ იმას, რომ კონსტიტუციის დაცვა შსს-ის მხრიდან თურმე ყოფილა ბოროტება და პარლამენტში შტურმით აღება, ეს არის პატრიოტიზმი. ეს არის ის კონტექსტი, რა კონტექსტის განვითარებაც სურს ამ უპასუხისმგებლო ადამიანებს. გიორგი არ გაურბის პასუხისმგებლობას, ისევე, როგორც არც მე და არც ჩვენი გუნდის წევრი და ამიტომ არის, რომ ჩვენ ვართ ორიენტირებული, რომ გამოძიება ჩატარდეს სწრაფად, ობიექტურად და გამჭვირვალედ იმ ცალკეულ შემთხვევებზე, როდესაც ჰქონდა სამართალდამცავების გარკვეული პირების მხრიდან ძალის ზედმეტ გამოყენებას, ჩვენ სწორედ ამაზე ვართ ორიენტირებული, რომ ამას გაეცეს პასუხი, მაგრამ როდესაც ჩვენ ვუყურებთ ზოგად სურათს, რამაც ეს გამოიწვია და შემდეგ არასწორ ინტერპრეტაციას, არასწორი ინტერპრეტაციის მცდელობას, რომ სრულიად დამახინჯებული სურათი მიაწოდონ ქართულ საზოგადოებას, ეს არის სრულიად მიუღებელი. ის ღამე იყო ძალიან დიდი გამოწვევა ქართული სახელმწიფოსთვის,“ - განაცხადა პრემიერმა.