სენტ-კიტსი და ნევისის ფედერაცია - სად არის ქვეყანა, რომელთანაც სავიზო რეჟიმი უქმდება

პოლიტიკა - 16:25, 16 Jul, 2019

3580

საქართველოს და სენტ-კიტსი და ნევისის ფედერაციას შორის სავიზო რეჟიმი უქმდება. შეთანხმებას გაეროში საქართველოს ელჩი, კახა იმნაძე მოაწერს ხელს. უფლებამოსილება მას პრემიერ-მინისტრმა, მამუკა ბახტაძემ მიანიჭა.

უვიზო რეჟიმით როგორც საქართველოს, ისე სენტ-კიტსი და ნევისის ფედერაციის მოქალაქეები ისარგებლებენ.

დიპლომატიური ურთიერთობები საქართველოსა და სენტ-კიტსი და ნევისის ფედერაციას შორის დამყარდა 2011 წლის 26 ოქტომბერს.

სენტ-კიტსი და ნევისი - (Saint - Kitts and Nevissen - სენტ-კიტსის და ნევისის ფედერაცია), სახელმწიფო სენტ-კრისტოფერის და ნევისის კუნძულებზე კარიბის ზღვის მცირე ანტილის კუნძულების არქიპელაგში.

ფართობი 261,6 კმ2.

მოსახლეობა – 51,3 ათ. კაცი (2012).

ოფიციალური ენა – ინგლისური.

დედაქალაქი - ქ. ბასტერი.

ეს კუნძულები აღმოაჩინა ქრისტეფორე კოლუმბმა.

დიდი ბრიტანეთის თანამეგობრობის წევრი.

სახელმწიფოს მეთაურია ბრიტანეთის მონარქი, წარმოდგენილი გენერალ-გუბერნატორით. საკანონმდებლო ორგანოა ეროვნული კრება, აღმასრულებელი – მთავრობა. დამოუკიდებელი სახელმწიფოა 1983 წლის 19 სექტემბრიდან.

ეკონომიკის საფუძველია სოფლის მეურნეობა და საერთაშორისო ტურიზმი.

მთავარი საზღვაო პორტი და საერთაშორისო აეროპორტი – ბასტერი.

სახელმწიფოს არ გააჩნია შეიარაღებული ძალები. თავდაცვის საკითხებს განაგებს დიდი ბრიტანეთი.

საშუალო ყოველთვიური ტემპერატურა +26 ° C-ია, იშვიათად ჩამოდის +18 °C-ზე და ადის +32 °C-ზე. ნალექი წელწადში 1500 მმ. მთიან რეგიონებში კი 3700 მმ. წვიმიანი სეზონი აქ არ არის და ნალექის წილი თანაბრად ნაწილდება მთელი წლის განმავლობაში.

ქვეყნის ეკონომიკის 2 ძირითადი ტრადიციული დარგია სოფლის მეურნეობა და ტურიზმი. სოფლის მეურნეობის მთავარი კულტურა არის შაქრის ლერწამი.