ირაკლი ღლონტს გამოძიებასთან კითხვები აქვს - ოპოზიციონერი ჩვენებას მაგისტრი მოსამართლის თანდასწრებით დღეს მისცემს

პოლიტიკა - 15:43, 15 Jul, 2019

587

პოლიტიკური გაერთიანება ,,კანონი და სამართალი''-ს გენერალური მდივანი ირაკლი ღლონტი დღეს, 17:30 საათზე დაკითხვაზეა დაბარებული.

ღლონტი 20-21 ივნისს პარლამენტთან განვითარებულ მოვლენებზე გამოძიების კითხვებს მაგისტრანტი მოსამართლის თანდასწრებით უპასუხებს.

როგორც პოლიტიკოსმა "ნიუპოსტს" განუცხადა, საგამოძიებო უწყებასთან მასაც აქვს კითხვები. ამასთან ღლონტი ამბობს, რომ გავრილოვის სისხლიანი ღამის შემსწავლელი საგამოძიებო კომისია უნდა შეიქმნას.

"პოლიტიკური ოპონენტების წინააღმდეგ გამოძიების დაწყება პოლიტიკური გადაწყვეტილებაა. ჩვენ მათ ყველა სავარაუდო შეკითხვაზე გვაქვს ამომწურავი პასუხი.

ამასთან, მე იქით მაქვს შეკითხვები საგამოძიებო ორგანოსებისა და ხელისუფლების მიმართ: რა გახდა ანტისაოკუპაციო, მშვიდობიანი მიტინგის დარბევის საფუძველი? რატომ გახდა საჭირო ლითონის ჭიშკრის მიღმა პოლიციის კორდონის მოწყობა, რომელმაც შემდეგ პროვოკაციული შინაარსიც კი შეიძინა, რატომ გვედროდნენ? რატომ გვესროლეს გაფრთხილების გარეშე, რატომ იცრუა პრემიერ-მინისტრმა, რატომ ჩაშალას მათივე ინიციატივა, რომ უნდა მომხდარიყო ხელისუყფლებისა და ოპოზიციის შეხვედრა? რატომ ზრდიდნენ ყოველწამიერად და მსხვილკალიბრიან ტყვიებს რატომ გვესროდნენ დამიზნებით. რა საჭირო იყო ადამიანების სადარბაზოებამდე დევნა და მათი დარბევა?

მიუხედავად "ქართული ოცნების" წინააღმდეგობისა, იმედი მაქვს, რომ ამ საქმეზე საგამოძიებო კომისია შეიქმნება და მაშინ ხელისუფლებას მოუწევს ყველა კითხვაზე პასუხის გაცემა"- აცხადებს ირაკლი ღლონტი.

20-21 ივნისის მოვლენებზე გამოძიება ორი, 225-ე და 315 მუხლებით მიმდინარეობს. რაც ჯგუფური ძალადობის ორგანიზებას, ამბოხებას, სახელმწიფო ხელისუფლების ძალადობრივ დამხობას გულისხმობს.