"7 წლიანი მმართველობა სრული კატასტროფით მთავრდება"- გრიგოლ ვაშაძე IRI-ის კვლევის შედეგებზე

პოლიტიკა - 15:11, 15 Jul, 2019

1460

IRI-ის ბოლო კვლევას, რომელიც სამაუწყებლო კომპანია "რუსთავი 2"-მა გაავრცელა გაერთიანებული ოპოზიცია "ძალა ერთობაშიას" ლიდერი, გრიგოლ ვაშაძე გამეეხმაურა.
"ნაციონალური მოძრაობის" თავმჯდომარე ამბობს, რომ "7 წლიანი მმართველობა სრული კატასტროფით მთავრდება".
"NDI-ისა და IRI-ის რეიტინგებს ყოველთვის ძალიან უზარმაზარი მნიშვნელობა აქვს ყველასთავის - მოქალაქისთვის, პოლიტიკური სპექტრისთვის. ძალიან ბევრჯერ აქვს ეს ჩვენს პარტიას გაცხადებული და კიდევ ერთხელ დავადასტურებ, რომ ჩვენი სრული ნდობით სარგებლობს ეს ორი შესანიშნავი ორგანიზაცია და მისი კვლევები. მეორე - ამ კვლევის მთავარი სულისკვეთება არის რომ კატასტროფულად არის გაუარესებული სიტუაცია ყველაფერში. ეკონომიკა, უმუშევრობა, სოციალური მდგომარეობა, კორუფცია. ამან არ შეიძლება თავისი გავლენა არ მოახდინოს იმაზე მოქალაქის თგვალში როგორ აღიქმება მმართველი გუნდი და როგორ აღიქმება ოპოზიცია. კონკრეტულ შედეგებს გამოქვეყნებენ. ამომრჩეველი, საქართველოს მოქალაქე თვოთონ ნახავს ყველაფერს. მთავარი ის არის, რომ ფაქტობრივად ყველგან კვლევები იმის დადასტურებაა რასაც გაერთიანებული ოპოზიცია, დაწყებული საპარლემნტო არჩევნებიდან, შემდეგ საპრეზიდენტო და შუალედურ არჩევნებზე ამბობდა. 7 წლიანი მმართველობა სრული კატასტროფით მთავრდება"- განაცხადა გრიგოლ ვაშაძემ.

"კურიერმა" მოიპოვა საერთაშორისო რესპუბლიკური ინსტიტუტის მიერ ჩატარებული ბოლო კვლევის შედეგები, რომელიც ჯერ IRI არ გაუსაჯაროებია და მხოლოდ პოლიტიკური პარტიების წარმომადგენლებს გააცნო.

კვლევა 15 ივნისამდე, "გავრილოვის ღამემდე" 5 დღით ადრეა ჩატარებული და მისი მიხედვით, "ქართული ოცნების" მხარდაჭერა 26% არ აღემატება. მაშინ როცა გაერთიანებული ოპოზიციის რეიტინგი 22%-ია, “ევროპული საქართველო - თავისუფალი დემოკრატების” რეიტინგი 7%-ია. "პატრიოტთა ალიანსის" 5%, "ლეიბორისტული პარტია" - ასევე 5%.

დანარჩენი პარტიების რეიტინგი 2% და ქვევითაა. თუმცა ამ მონაცემებით ოპოზიციური ხმები უკვე 39%-ს აღწევს და სავარაუდოა, რომ 20 ივნისის მოვლენების შემდეგ სურათი კიდევ უფრო შეცვლილია და შეცვლილია ქართული ოცნებისთვის არასასურველი მიმართულებით.