"ამის დადგენა შეუძლებელია..."- გახარიას მოადგილის პასუხი კითხვაზე თუ ვის მიუძღვის ბრალი მაკო გომურის დაბრმავებაში

პოლიტიკა - 12:06, 15 Jul, 2019

1357

შინაგან საქმეთა მინისტრის მოადგილის კახა საბანაძის თქმით იმის დადგინდა თუ რომელ პოლიციელს მიუძღვის ბრალი იმაში, რომ მაკო გომურმა მხედველობა დაკარგა შეუძლებელია. ამის შესახებ მან კვირის პალიტრასთან ინტერვიუში ისაუბრა.

„ამის დადგენა შეუძლებელია. იმ ტყვიაში 9 რეზინის ბურთულაა, გამორიცხულია, იმ თოფის დამიზნებით სროლა.“- განაცხადა საბანაძემ.

კითხვაზე რამდენჯერ ესროლეს პირებს, რომლებსაც ზიგიერთს ზურგზე 7-8 ნატყვიარი ჰქონდა, საბანაძემ უპასუხა , რომ ამდენი ნატყვიარი საფანტისგან ქონდათ მიყენებული, ასევე შს მინისტრის მოადგილემ ისაუბრა სდროლის მანძილზეც და განაცხადა, რომ როცა სამართალდამცავებს თავს ესხმიან, სროლი მანძილის გაკონტროლება შეუძლებელია:

„- საფანტი იყო და ამიტომ ეტყობოდათ კვალი. ტყვია იტენება შესაბამის თოფში, რომელიც გამოიყენება და კანონით არის დაშვებული. საერთაშორისო პრაქტიკაში აპრობირებულია მსგავსი შტურმების აღსაკვეთად, აგრესიული მომიტინგეების დასაშლელად. რა მანძილიდან არის ნასროლი, ამის დადგენა გამოძიების პრეროგატივაა. როცა მომიტინგე გყავს წინ, იცი, რა მანძილიდან უნდა ისროლო, მაგრამ როცა თავს გესხმის, მაშინ შეუძლებელია მანძილის გაკონტროლება. წარმოიდგინეთ, პატრულ ინსპექტორს აგრესიული დამნაშავე თავს რომ დაესხას, უნდა უთხრას, დადექი 10 მეტრში და გესვრიო? გავითვალისწინოთ, რომ ეს იყო თავდასხმა. ეს არის არალეტალური ტყვია, რომელიც დაშვებულია სამინისტროს ბალანსზე და მისი საჭიროების მიხედვით გამოყენება განისაზღვრება კანონით. გამოძიებამ უნდა დაადგინოს, იყო თუ არა იმ ტყვიების გამოყენება უკანონო.“- განაცხადა საბანაძემ.